فرحان سعید نے عروہ حسین سے طلاق کی خبروں پر خاموشی توڑدی

کراچی: شوبز انڈسٹری کی مقبول ومعروف جوڑی عروہ حسین اور فرحان سعید کے درمیان علیحدگی کی خبریں کافی عرصے سے گردش کررہی ہیں۔

حال ہی میں گلوکار فرحان سعید نے ایک انٹرویو میں علیحدگی کی خبروں کی تردید کی ہے، انہوں نے کہا کہ وہ اور عروہ ساتھ ہیں اور اُن کے درمیان علیحدگی کی خبریں جھوٹی اور من گھڑت ہیں۔

فرحان سعید کا کہنا تھا کہ وہ اپنی نجی زندگی کی خبروں کو سوشل میڈیا پر پوسٹ کرنے کے سخت خلاف ہیں یہی وجہ ہے کہ وہ اِس حوالے سے کچھ بھی پوسٹ نہیں کرتے۔

یہ بھی پڑھیں:

عالیہ بھٹ اور رنبیر کپور کے گھر خوشخبری، جلد ننھے مہمان کی آمد متوقع

اُن کا کہنا تھا کہ سوشل میڈیا پر صارفین کے منفی تبصرے ہمیں بالکل پسند نہیں اسی لئے عروہ اور میں نے یہ فیصلہ کیا تھا کہ اپنی نجی زندگی کے بارے میں سوشل میڈیا پر کچھ بھی پوسٹ نہیں کرینگے۔

واضح رہے کہ سال 2020 سے اُن کے درمیان علیحدگی کی خبریں گردش کررہی تھیں کیونکہ دونوں کو ساتھ میں کسی بھی تقریب میں نہیں دیکھا گیا تھا۔

مزید برآں کام کے محاز پر فرحان سعید اس وقت ڈرامہ سیریل بادشاہ بیگم اور میرے ہمسفر میں نظر آرہے ہیں۔