پی آئی اے سمیت تمام نجی ائیر لائینز کے کرایوں میں اضافہ کردیا گیا

کراچی:قومی ایئر لائن پی آئی اے سمیت تمام نجی ائیر لائینز کی جانب سے کرایوں میں بھاری اضافہ کردیا گیا۔

میڈیا رپورٹ کے مطابق عید قربان کے قریب آتے ہی پی آئی اے سمیت نجی ائیر لائینز نے اپنے کرایوں میں اچانک اضافہ کردیا ہے۔

جون 2021 میں کراچی سے اسلام آباد اور لاہور کا یکطرفہ کم سے کم کرایہ 7 ہزار روپے تھا، تاہم اب اب طلب بڑھنے پر اندرونِ ملک فضائی کرایوں میں تقریباً دْگنا اضافہ کردیا گیا۔

ذرائع کے مطابق کراچی سے لاہور کا یک طرفہ کرایہ 13 ہزار روپے تک پہنچ گیا، اسی طرح کراچی سے اسلام آباد کا یک طرفہ کرایہ 13 ہزارروپے سے زائد کردیا گیا ہے۔

مزید پڑھیں: سرکاری ملازمین کی موجیں،عیدالاضحی پر 9تعطیلات ملنے کا امکان

قومی ائیر لائنز پی آئی اے کی جانب سے کراچی، لاہور، اسلام آباد کراچی کے ریٹرن ٹکٹ پر 25 ہزار روپے سے زائد وصول کئے جارہے ہیں۔