گوگل نیوز پر ہمیں فالو کریںاسلام آباد: وفاقی حکومت نے فیصلہ کیا ہے کہ ڈاکٹر کے طور پر بیرونِ ملک کام کرنے والے سمندر پار پاکستانیوں کو ملک میں شعبۂ صحت کی ترقی کیلئے سہولیات دی جائیں گی۔
سماجی رابطے کی ویب سائٹ ٹوئٹر پر اپنے پیغام میں وزیرِ اعظم کے معاونِ خصوصی برائے امورِ صحت ڈاکٹر ظفر مرزا نے کہا کہ میں نے 4000 پاکستانی ڈاکٹرز سے یارانِ وطن کے ذریعے بات کی جو سمندر پار پاکستانی ڈاکٹرز کو وطن سے جوڑنے کے لیے بنایا گیا پلیٹ فارم ہے۔
پیغام میں معاونِ خصوصی ڈاکٹر ظفر مرزا نے کہا کہ سمندر پار پاکستانیوں میں اور ہم میں کوئی فرق نہیں۔ حکومت سمندر پار پاکستانی ڈاکٹرز سے مکمل تعاون کرے گی تاکہ وہ ہمارے ملک میں شعبۂ صحت کو فروغ دینے کے لیے کام کرسکیں جبکہ ڈاکٹرز کی طرف سے حمایت کے تاثرات قابلِ تعریف رہے۔
معاونِ خصوصی ڈاکٹر ظفر مرزا نے یارانِ وطن اور ایپس یو کے کا شکریہ ادا کرتے ہوئے کہا کہ ان دونوں پلیٹ فارمز کے ذریعے ہمارا رابطہ سمندر پار پاکستانی ڈاکٹرز سے ممکن ہوسکا جس کے لیے ہم ان کے شکر گزار ہیں جبکہ ہماری گفتگو مفید رہی۔
It was great to speak with 4000+ Pakistani Drs thru @YaranWatan. You are us! GOP will fully facilitate you to support the health system of your country through this initiative and otherwise. Your expressions of support r overwhelming. Thanks @APPSUK for organizing. <299> pic.twitter.com/BabkKFQmnw
— Zafar Mirza (@zfrmrza) May 5, 2020
