فیصل آباد میں سابق یوتھ کونسلر کا قتل، ملزم 24 گھنٹوں میں گرفتار

لاہور: فیصل آباد میں سابق یوتھ کونسلر کو بے دردی سے گولیاں مار کر قتل کردیا گیا، پولیس نے دعویٰ کیا ہے کہ ملزم حمزہ کی گرفتاری 24 گھنٹوں کے اندر اندر ہوئی۔

سماجی رابطے کی ویب سائٹ ٹوئٹر پر جاری کردہ پنجاب پولیس کے بیان میں کہا گیا کہ فیصل آباد پولیس نے سابق یوتھ کونسلر رانا محمد سفیان کے قاتل حمزہ کو 24 گھنٹوں میں گرفتار کرلیا۔

یہ بھی پڑھیں:

نسلہ ٹاور کیس پر کارروائی، ڈی جی کے ڈی اے سمیت 3ملزمان گرفتار

پڑوسی نے 13سالہ لڑکی کو زیادتی کا نشانہ بنا کر قتل کردیا

کراچی،عمارت خالی کرانے کے تنازع پر فائرنگ، 3 مزدور جاں بحق

گرفتار ملزم کے قبضے سے پسٹل بھی برآمد کر لیا گیا۔ وزیرِ اعلیٰ پنجاب سردار عثمان بزدار اور آئی جی پنجاب پولیس نے بدھ کے روز واقعے کا نوٹس لیتے ہوئے کارروائی کا حکم دیا تھا۔

فیصل آباد پولیس نے رانا محمد سفیان کے قاتل حمزہ کو 24 گھنٹے کے اندر اندر گرفتار کر لیا ہے،ملزم سے پسٹل بھی برآمد کر لیا گیا۔
وزیراعلی پنجاب اور آئی جی پنجاب نے کل اس واقعہ کا نوٹس لیا تھا۔@fsdpolice https://t.co/iyYkNM2Szi pic.twitter.com/sj7iDDfd3m

— Punjab Police Official (@OfficialDPRPP) December 30, 2021

پنجاب پولیس کے ٹوئٹر پیغام میں بتایا گیا کہ سابق یوتھ کونسلر سی سی 124 اور انفارمیشن سیکریٹری انصاف یوتھ ونگ، فیصل آباد رانا محمد سفیان خان کو گولیاں مار کر شہید کیا گیا تھا۔ 

خیال رہے کہ اس سے قبل کراچی کے تھانہ پیرآباد کی حدود میں ایس ایچ او جوہر آباد نے ساتھیوں کے ہمراہ عمارت خالی کرانے کی کوشش کی۔فائرنگ کے واقعہ میں 3 مزدور جاں بحق جبکہ 2زخمی ہوگئے۔

پولیس نے ایس ایچ او سمیت 8 ملزمان کو گرفتار کرلیا، سرکاری پولیس موبائل اور اسلحہ بھی ضبط کرلیا۔ایس ایچ او جوہر آباد غیور احمد پر اختیارات سے تجاوز کا الزام عائد کیا گیا۔