وزارت دفاع کا بعض سابق فوجیوں کی تنظیموں سے اظہارِ لاتعلقی کا اعلان

اسلام آباد: وزارت دفاع نے بعض سابق فوجیوں کی تنظیموں سے اظہار لاتعلقی کا اعلان کیا ہے۔

تفصیلات کے مطابق وزارت دفاع نے پاکستان ایکس سروس مین سوسائٹی اور ویٹرنز آف پاکستان سے متعلق وضاحت جاری کرتے ہوئے کہا ہے کہ وزارت دفاع ایسی تنظیموں کی سرگرمیوں کو تسلیم یا ان کی توثیق نہیں کرتی ہے۔

وزارت دفاع کے ترجمان کے مطابق ان تنظیموں کے خیراتی مقاصد، سیلاب زدگان کی امداد اور عوامی خدمت کا وزارت سے کوئی تعلق نہیں ہے، ان تنظیموں کو مسلح افواج کی جانب سے بھی تسلیم نہیں کیا گیا ہے۔

یہ بھی پڑھیں:

وزیراعظم شہباز کا دورہ گلگت بلتستان، سیلاب متاثرین کیلئے 3 ارب روپے کا اعلان

ترجمان وزارت دفاع کے مطابق سابق فوجیوں کی ان تنظیموں کا مسلح افواج کی حمایت یا تسلیم کرنے کا دعویٰ حقائق کے منافی ہے، مسلح افواج نے ایسی سوسائٹیوں کو نہ تو تسلیم کیا ہے اور نہ ہی اس کی اجازت ہے، وزارت دفاع کے سابق فوجیوں کی سوسائٹیوں کے امور کار کے بارے میں رہنما اصول واضح ہیں۔

یہ بھی پڑھیں:

امریکی ارکان کانگریس پاکستان میں سیلاب متاثرہ علاقوں کے دورے کیلئے روانہ ہوگئے

ترجمان وزارت دفاع نے واضح کیا ہے کہ مستقبل کی مشاورت اور رہنمائی کیلئے وزارت دفاع میں یہ پالیسی دستیاب ہے، اس پالیسی اور اصولوں کی خلاف ورزی قابل تعزیر جرم ہوگی۔