سابق صدر آصف علی زرداری کی طبیعت ناساز، اسپتال منتقل کردیا گیا

کراچی:پاکستان پیپلز پارٹی کے سربراہ اور سابق صدر آصف زرداری کی طبیعت ناساز ہونے پر اسپتال منتقل کردیا گیا۔

ترجمان بلاول ہاؤس کا اس حوالے سے کہنا ہے کہ اسپتال میں آصف زرداری کا چیک اپ اور ضروری ٹیسٹ کیے جا رہے ہیں، سابق صدر کو طبیعت کی سازی پر اسپتال منتقل کردیا گیا ہے۔

KARACHI, October 11: Former President of Pakistan and PPPP @AAliZardari was shifted to hospital after feeling unwell late Sunday evening.
Doctors are conducting his medical check-up and necessary medical tests.

— PPP (@MediaCellPPP) October 11, 2020

پیپلزپارٹی کی جانب سے سابق صدر کی طبیعت کی ناسازی اور اسپتال منتقل ہونے کی تصدیق کردی گئی ہے۔ترجمان بلاول ہاؤس کے مطابق سابق صدر آصف علی زرداری کو شام میں نجی اسپتال منتقل کیا گیا جہاں ان کا چیک اپ اور ٹیسٹ کیے جا رہے ہیں۔

خیال رہے کہ سابق صدر آصف علی زرداری میگا منی لانڈرنگ اور پارک لین ریفرنسز میں ضمانت پر ہیں جس کے بعد سے ہی ان کا علاج جاری ہے۔