دشمن قوتوں کو پاک چین تعلقات کو کمزور کرنے کی اجازت نہیں دی جائیگی، وزیر اعظم

اسلام آباد: وزیراعظم عمران خان کا کہنا ہے کہ دشمن قوتوں کو پاک چین تعلقات کو کمزور کرنے کی اجازت کسی صورت نہیں دی جائے گی۔

چینی سفیر نے وزیراعظم عمران خان سے ملاقات کی، دونوں کے درمیان ہونے والی ملاقات میں دوطرفہ تعلقات،سی پیک،کورونا ویکسین اور مختلف شعبوں میں تعاون پرتبادلہ خیال کیا گیا۔

چینی سفیر نے وزیراعظم عمران خان کو چینی صدر اور وزیراعظم کی جانب سے یوم آزادی پر مبارکباد دی۔ وزیراعظم نے کورونا کے دوران چینی تعاون اورویکسین کی فراہمی پرشکریہ ادا کیا۔

وزیر اعظم عمران خان کا کہنا تھا کہ پاکستان اور چین آئرن برادرز ہیں، دشمن قوتوں کو پاک چین تعلقات کو کمزور کرنے کی اجازت نہیں دیں گے، سی پیک خطے میں تبدیلی کیلیے بہترین منصوبہ ہے، پاکستان اورچین سی پیک کی بروقت تکمیل کیلیے مل کر کام جاری رکھیں گے۔

مزید پڑھیں: پہلی بار ٹیکنالوجی کے استعمال سے انتخابات کرائے جائیں گے، وزیر اعظم

وزیراعظم عمران خان نے کہا کہ افغان تنازع کا فوجی حل نہیں ہے، پاکستان افغانستان تنازع کا حل سیاسی مذاکرات سے چاہتا ہے۔ملاقات میں خطے کی صورتحال پربھی تبادلہ خیال کیا گیا۔