گوگل نیوز پر ہمیں فالو کریںنیشنل الیکٹرک پاور ریگولیٹری اتھارٹی (نیپرا) نے ماہانہ فیول ایڈجسٹمنٹ کی مد میں ملک بھر کے لیے بجلی 93 پیسے فی یونٹ مہنگی کر دی ہے جبکہ کراچی کے صارفین کے لیے بجلی کی قیمت میں 2 روپے 99 پیسے فی یونٹ کمی کی گئی ہے۔
نیپرا کے جاری کردہ نوٹیفکیشن کے مطابق بجلی کی قیمت میں یہ اضافہ اپریل کی فیول ایڈجسٹمنٹ کی بنیاد پر کیا گیا ہے، جس کا اطلاق جون میں آنے والے بجلی کے بلوں میں ہوگا تاہم یہ اضافہ کے الیکٹرک کے صارفین، لائف لائن صارفین اور الیکٹرک وہیکل چارجنگ اسٹیشنز پر لاگو نہیں ہوگا۔
دوسری جانب کے الیکٹرک کے صارفین کے لیے بجلی کی قیمت میں کمی کا نوٹیفکیشن بھی جاری کر دیا گیا ہے۔ یہ ریلیف مارچ کی فیول ایڈجسٹمنٹ کی مد میں دیا گیا ہے، اور اس کا فائدہ بھی جون کے بلوں میں منتقل ہوگا۔
