گوگل نیوز پر ہمیں فالو کریںکراچی میں مون سون کے پہلے اسپیل کا آغاز ہوگیا، بارش کا پہلا قطرہ گرنے کے ساتھ ہی مختلف علاقے بجلی سے محروم ہو گئے جبکہ 600 فیڈرز ٹرپ کرچکے ہیں۔
تفصیلات کے مطابق کراچی کے مختلف علاقوں میں بارش کے آغاز کے ساتھ ہی لوڈ شیڈنگ شروع ہوگئی۔ ترجمان کے الیکٹرک کا کہنا ہے کہ کراچی کے کچھ حصوں سے بجلی کی بندش کی اطلاع موصول ہوئی ہے۔
ترجمان کے الیکٹرک نے اعتراف کیا کہ بلدیہ، سرجانی ٹاؤن، کلفٹنن اور ڈی ایچ اے میں بجلی کی ترسیل متاثر ہوئی ہے۔ شہریوں کو لوڈ شیڈنگ کے باعث مشکلات کا سامنا ہے۔
Power supply to city remains intact. Few parts of Baldia, Surjani, Clifton & DHA are currently facing outage with Gadap being most affected. Currently supply from approx 500 feeders remains affected whereas 1400 feeders are operational. Supply to Dhabeji was restored on priority.
— KE (@KElectricPk) July 12, 2021
سماجی رابطے کی ویب سائٹ ٹوئٹر پر پیغام میں ترجمان کے الیکٹرک نے کہا کہ 1400 فیڈرز فعال ہیں جبکہ 500 فیڈرز سے بجلی کی فراہمی متاثر ہوئی ہے۔ دھابیجی کو بجلی کی سپلائی ترجیحی بنیادوں پر بحال کی گئی۔
دوسری جانب کراچی کے متعدد علاقوں میں بجلی کی فراہمی معطل ہوئی جن میں قائد آباد، ملیر، شاہ فیصل کالونی، گلستانِ جوہر، عزیز آباد، ناظم آباد، اورنگی اور کورنگی کے علاقے شامل ہیں۔
رنچھوڑ لائن، کھارادر، لیاری، کیماڑی اور ڈیفنس میں بھی لوڈ شیڈنگ جاری ہے۔ بارش کے دوران بجلی کی آنکھ مچولی کے باعث عوام کو مشکلات کا سامنا ہے۔ کے الیکٹرک کا کہنا ہے کہ بجلی کی بحالی پر کام جاری ہے۔
خیال رہے کہ اِس سے قبل راولپنڈی اسلام آباد اور کراچی سمیت ملک کے مختلف شہروں میں بارش ہوئی جس کے باعث موسم خوشگوار ہوگیا، شہرِ قائد میں بارش کے باعث جگہ جگہ پانی کھڑا ہوگیا۔جڑواں شہروں اور ایبٹ آباد میں نشیبی علاقے زیرِ آب آگئے۔
آج سے کراچی میں مون سون بارشوں کے پہلے اسپیل کا آغاز ہوگیا، راولپنڈی اسلام آباد میں پہلے سے ہی وقفے وقفے سے بارش جاری ہے۔گوجرانوالہ، ایبٹ آباد اور حیدر آباد سمیت سندھ، پنجاب اور خیبر پختونخوا کے مختلف علاقوں میں بارش ہوئی۔
مزید پڑھیں: اسلام آباد اور کراچی سمیت مختلف شہروں میں بارش، نشیبی علاقے زیرِ آب
