گوگل نیوز پر ہمیں فالو کریںملک بھر میں عید الفطر مذہبی جوش و جذبے کے ساتھ منائی گئی، اس موقع پر شوبز ستارے زرق برق لباس کے ساتھ سامنے آئے اور سوشل پلیٹ فارمز پر اپنی عید سلیبریشن کی خوبصورت تصاویر اور ویڈیوز شیئر کیں۔
عید کے پُرمسرت موقع پر ہر فنکار کے چہرے پر خوشی دیکھی گئی۔ کسی نے زری لباس کا انتخاب کیا تو کسی نے سادہ مگر دیدہ زیب آوٹ فٹ پسند کیا، اداکاروں میں کسی نے شلوار قمیض پر اکتفا کیا تو کوئی شلوار قمیض کے ساتھ خوبصورت میچنگ واسکٹ میں دکھائی دیا۔
یوں شوبز ستاروں نے خوشیوں کے بڑے دن کھل کر اپنی خوشی اور مسرت کا اظہار کیا اور اپنی تصاویر یا پیغامات شیئر کر کے مداحوں کو بھی عید مبارک کے پیغامات بھیجے۔
ماہرہ خان نے سماجی رابطے کی سائٹ انسٹاگرام پر اپنی ایک ویڈیو پوسٹ کی اور سب کو عید مبارک کہا اور اللہ سے دعا کی کہ وہ اس دن کی مناسبت سے ہم سب پر اپنا رحم اور کرم فرمائے، انہوں نے سادہ مگر پر وقار لباس کا انتخاب کیا۔
View this post on Instagram
اداکارہ عائزہ خان نے اپنی فیملی کے ساتھ عید منائی اور شوہر دانش تیمور کے ساتھ اپنی رومانی تصاویرشیئر کیں، دونوں جوڑی نے عید کیلئے ایک کلر کے خوبصورت لباس کا انتخاب کیا۔
View this post on Instagram
اداکارہ صبا قمر نے اپنی تصویر شیئر کرتے ہوئے سوال کیا کہ ’میری عیدی کہاں ہے‘ وہ سفید زری کام شدہ لباس میں بہت دلکش نظر آئیں۔
View this post on Instagram
گلوکار عاطف اسلم نے اپنے اہل خانہ کے ساتھ عید منائی اور اہلیہ کے ساتھ خوبصورت تصویر شیئر کر کے پرستاروں کو عید کی مبارک باد دی۔ عاطف اسلم نے سفید شیروانی کے ساتھ سفید کرتا پاجامہ کا انتخاب کیا، جبکہ ان کی اہلیہ سیاہ رنگ کے کام والے خوبصورت جوڑے میں دکھائی دیں۔
View this post on Instagram
اداکارہ حنا الطاف نے اپنے شوہر آغا علی کے ساتھ تصویر شیئر کرتے ہوئے عید کی مبارک باد دی، وہ خوبصورت فراک میں نظر آئیں۔
View this post on Instagram
مایا علی نے عید پر زعفرانی رنگ کی قمیض اور سبز رنگ کی گھیردار شلوار پسند کی۔
View this post on Instagram
فیروز خان سفید شلوار قمیض میں نظر آئے۔
View this post on Instagram
