غذائی تحفظ یقینی بنانے کے لیے موثر اقدامات ضروری ہیں،سپہ سالار

راولپنڈی: آرمی چیف جنرل قمر جاوید باجوہ نے کہا ہے کہ معیشت پر منفی اثرات کے خاتمے اور غذائی تحفظ یقینی بنانے کے لیے موثر اقدامات ضروری ہیں۔

آرمی چیف جنرل قمر جاوید باجوہ نے کہا ہے کہ حکومت ٹڈی دل کنٹرول کرنے کے لیے قومی ایمرجنسی کا اعلان کر چکی ہے جبکہ پاک فوج سول انتظامیہ کی مدد کے لیے ہر وسیلہ فراہم کرے گی۔

پاک فوج کے شعبہ تعلقات عامہ (آئی ایس پی آر) کے مطابق سپہ سالار جنرل قمر جاوید باوجوہ نے یہ بات انسداد ٹڈی دل سینٹر کے دورے کے دوران کہی۔ اس موقع پر آرمی چیف کو لیفٹیننٹ جنرل معظم اعجاز نے صورتحال پر تفصیلی بریفنگ دی۔

COAS visited National Locust Control Center #NLCC Rwp. Was briefed by Lt Gen Moazzam Ejaz, Chief Coordinator NLCC, about efforts being undertaken to counter locust threat. COAS appreciated NLCC role in synergizing national efforts in line with National Action Plan. 1/2 pic.twitter.com/ulpzmf1hvd

— DG ISPR (@OfficialDGISPR) June 4, 2020

اس موقع پر آرمی چیف نے کہا کہ معیشت پر منفی اثرات کے خاتمے کے لیے موثر اقدامات کیے جانے چاہیں جبکہ ملک میں غذائی تحفظ یقینی بنانے کیلئے بھی موثر اقدامات کرنے کی ضرورت ہے۔

سپہ سالار نے سینٹر کی نیشنل ایکشن پلان کے تحت قومی کوششوں کو سراہتے ہوئے کہا کہ پاک فوج ٹڈی دل کے خاتمے کے لیے سول انتظامیہ کی مدد کے لیے ہر وسیلہ فراہم کرے گی۔