ایدھی ویلفیئرز فاؤنڈیشن نے کراچی میں خواجہ سراؤں کے گھروں پر راشن پہنچا دیا

کراچی :شہر میں لاک ڈاؤن نے جہاں عام شہریوں کی زندگیاں اجیرن کردیں وہیں شہر کے ہزاروں خواجہ سراؤں  کو بھی مشکلات میں مبتلا کردیا ہے تاہم ایدھی ویلفیئرز فاؤنڈیشن نے خواجہ سراؤں کو ان کے گھروں پر راشن پہنچادیا۔

مرجھائے ہوئے خوجہ سراؤں کے چہرے خوشی سے کھل اٹھے۔ تاہم اب بھی شہر کے مختلف مقامات پر رہائش پذیرخوجہ سرا اب بھی راشن سے محروم ہیں۔

مزید پڑھیں:حنید لاکھانی اورنگی ٹاؤن میں مستحق افراد میں راشن تقسیم کرنے پہنچ گئے

خوجہ سراؤں نے بتایا کہ کئی روز سے پیٹ بھر کھانا نہیں کھا سکے کیوں کہ لاک ڈاون میں صرف نجی سواری ہی سڑک پر نکالنے کی اجازت ہے اور ہم لوگوں کو پہلے ہی عام لوگوں کی نفرت کا سامنا ہے اور ہمارے جیسے ہزاروں خواجہ سرا ان دنوں فاقوں ہر مجبور ہیں۔

ہم بھی انسان ہیں اور ہمیں بھی پیٹ کی آگ بجھانے کے لیئے راشن کی ضرورت ہے۔ حکومت اور فلاحی ادارے ہم پر بھی توجہ دیں ۔ انہوں نے ایدھی فاؤنڈیشن کا راشن کی فراہمی پر شکریہ ادا کیا۔