سائنس و ٹیکنالوجی کا نیا سنگِ میل، سرکاری دفاتر میں ای فائلنگ سسٹم نافذ

اسلام آباد: ملک بھر کے سرکاری دفاتر میں ای فائلنگ سسٹم مکمل طور پر نافذ کردیا گیا۔ وزارتِ انفامیشن ٹیکنالوجی و ٹیلی کمیونیکیشن نے تمام وزارتوں میں سسٹم مکمل طور پر نافذ کیا۔

تفصیلات کے مطابق پاکستان بھر کے سرکاری دفاتر میں ای آفس سسٹم کے نفاذ کا مقصد قومی خزانے کو کروڑوں کا فائدہ پہنچانا ہے۔ ای آفس سسٹم میں ای فائلنگ سسٹم فائلوں کی الیکٹرانک نقل و حمل، ٹریکنگ اور ڈیٹا کو محفوظ کرنے اور بازیافت کے قابل بنایا جاتا ہے۔

یہ بھی پڑھیں:

موسمیاتی تبدیلیاں عروج پر، دُنیا بھر میں ماحولیات کا عالمی دن آج منایا جارہا ہے

دریں اثناء، وزارتِ انفارمیشن ٹیکنالوجی کا کہنا ہے کہ ای سسٹم آفس کا نفاذ وزارتوں کے ماتحت محکمہ جات میں بھی شروع کیا جائے گا۔ سندھ اور بلوچستان سمیت صوبائی حکومتوں نے بھی اپنی کابینہ کیلئے ای کیبنٹ پورٹل کے نفاذ میں دلچسپی کا اظہار کیا ہے۔

بلوچستان اور سندھ کی حکومتیں ای کیبنٹ پورٹل تیار کرنے کی درخواست دے چکی ہیں۔ اقتصادی زونز کیلئے ایک جدید ترین ڈیجیٹل پورٹل بھی تیار کی گئی ہے۔حکام نے پورٹل کے افتتاح کی تیاریاں مکمل کر لیں۔ پورٹل کا افتتاح بھی جلد کیا جائے گا۔

ماہرین کا کہنا ہے کہ ملک بھر میں ای فائلنگ سسٹم کے نفاذ سے دفاتر میں فائلوں کا بھاری بھرکم بوجھ کم ہوگا اور ملک بھر میں کاغذوں کا استعمال کم ہونے سے درختوں کی کٹائی بھی کم ہوگی۔ ای فائلنگ سسٹم ملک کی تعمیر و ترقی کو فروغ دینے میں اہم کردار ادا کرے گا۔