ملک میں سیلابی صورتحال، ٹیکس وصولیوں کا ہدف دشوار ہوگیا

اسلام آباد: ملک بھر میں سیلابی صورتحال کے بعد فیڈرل بورڈ آف ریونیو (ایف بی آر) کو رواں ماہ 683 ارب روپے ٹیکس وصولی کا  ہدف پورا کرنے میں سخت دشواریوں کا سامنا ہے۔

ایف بی آر کے مطابق 683 ارب روپے کا یہ ہدف پورا کرنا ضرورہ ہے تاکہ امدادی پروگرام کے لئے آئی ایم ایف کے اضافی ٹیکس وصولوں کے مطالبے سے بچا جا سکے۔

 ملک کو درپیش سیلاب کی بدترین صورتحال سے ٹیکس کی وصولیوں کی رفتار سست پڑگئی، جس سے ٹیکس وصولی کا ہدف پورا کرنا مشکل ہوگیا ہے۔

دوسری جانب ایف بی آر کے اعلیٰ حکام کو توقع ہے کہ وہ بڑے ٹیکس دہندگان اور کارپوریٹ شعبے سے چیف کمشنر لارج ٹیکس پئیرز یونٹ کے ذریعہ مطلوبہ ہدف حاصل کرنے میں کامیاب ہوجائیں گے۔

 ایف بی آر کی جانب سے پیشگی ٹیکس وصولیوں کے لئے بھی کوششیں تیز کی جارہی ہیں۔

واضح رہے ایف بی آر نے ستمبر کے لئے 380 ارب روپے کی ٹیکس وصولیاں کی ہیں باقی 11 دنوں میں 303 ارب روپے وصولیوں کا مطلوبہ ہدف پورا کرنا ہوگا، جبکہ رواں مالی سال کے لئے 7470 ارب ٹیکس روپے وصولیوں کا ہدف مقرر ہے۔