کورونا کے باعث عید الاضحیٰ پر عوام کو احتیاط کرنا ہوگی، وزیر اعظم

اسلام آباد:وزیراعظم عمران خان کی زیر صدارت حکومتی ترجمانوں کے اجلاس کا انعقاد کیا گیا، اجلاس میں ملکی سیاسی اور معاشی صورتحال پر گفتگو کی گئی۔ ذرائع کے مطابق وزیراعظم نے اہم قومی امور پر ترجمانوں کو اعتماد میں لیا۔

ذرائع کے مطابق ترجمانوں کے اجلاس میں اپوزیشن کی متوقع اے پی سی پربھی زیر غور کیا گیا۔ ذرائع کے مطابق کوویڈ 19 پر حکومتی حکمت عملی بھی اجلاس میں زیر بحث آئی۔

با خبر ذرائع کے مطابق وزیر اعظم عمران خان نے اجلاس سے خطاب کرتے ہوئے کہا کہ اسمارٹ لاک ڈاؤن کے مثبت نتائج سامنے آرہے ہیں، اس کے باوجود عید الاضحی پر عوام کو احتیاط کرنا ہوگی تاکہ وائرس سے بچا جا سکے۔

ذرائع کے مطابق وزیر اعظم عمران خان نے کہاکہ حکومتی کامیاب حکمت عملی کی دنیا بھی معترف ہے اور مختلف ممالک کی جانب سے ہمارے اقدامات کو سراہا جارہا ہے، اس موقع پر وزیراعظم نے حکومتی ترجمانوں کو اہم ہدایات بھی دیں۔