دعا زہرہ کی عمر کتنی ہے؟ میڈیکل رپورٹ سامنے آگئی

کراچی: کراچی سے لاہور جاکر شادی کرنے والی دعا زہرہ کی میڈیکل رپورٹ سامنے آگئی۔

تفصیلات کے مطابق دعا زہرہ کی میڈیکل رپورٹس جاری کردی گئی ہیں، جس میں اس بات کی تصدیق ہوگئی ہے کہ مبینہ طور پر اغوا ہونے والی دعا زہرہ کی عمر 14 سال ہے۔

سماجی رابطے کی ویب سائٹ ٹوئٹر پر مہدی کاظمی کے وکیل جبران ناصر نے دعا زہرہ کی عمر سے متعلق میڈیکل رپورٹس سلسلہ وار ٹوئٹس میں شیئر کیں، جس میں انہوں نے اِس بات کی تصدیق کی کہ بچی کی عمر 14 سال ہے اور اُس کی پرانی میڈیکل رپورٹ جھوٹی تھی جس میں اُس کی عمر 17 سال بتائی گئی تھی۔

The Medical Board has verified the truth which Parents have been telling since 2.5 months. As per Board #DuaZehra is nearest to 15 yrs of age negating previous medical report which placed Dua at 17. Thus proven that NADRA documents are accurate & Dua in reality is a 14yr child.

— M. Jibran Nasir ???????? (@MJibranNasir) July 4, 2022

جبران ناصر نے ٹوئٹ میں کہا کہ دعا زہر ہ کی عمر نےاِس حقیقت سے پردہ اُٹھادیا ہے کہ اُس کا اغوا کیاگیاتھا لہٰذا اُس کی فوری طور پربازیابی کروانی چاہیے۔

انہوں نے یہ بھی بتایا کہ اے جی سندھ نے ہائی کورٹ کو کیسے بتایا کہ اغوا کا کوئی کیس نہیں بنتا۔ پولیس نے لڑکی کے بیان پر انحصار کرتے ہوئے دعویٰ کیا کہ اغوا کا کوئی مقدمہ نہیں بنتا، لڑکی نے بار بار معزز عدالتوں کو بتایا کہ اس کی عمر 18 سال ہے۔ انہوں نے کہا کہ آج یہ ثابت ہو گیا ہے کہ تمام بیانات جھوٹے اور من گھڑت تھے۔

مہدی کاظمی کے وکیل کا کہنا ہے کہ نئی عمر کے تعین کا مطلب ہے کہ اس معاملے میں اغوا، کم سن بچوں کی شادی، اور جنسی جرائم کے جرائم کی تمام دفعات لاگو ہوتی ہیں۔

یاد رہے کہ کراچی کی مقامی عدالت کے حکم پر محکمہ داخلہ سندھ نے 10 رکنی میڈیکل بورڈ بنایا تھا اور میڈیکل کے لیے دعا زہرا کو پولیس کی خصوصی ٹیم ایک دن کے لیے لاہور سے کراچی لائی تھی۔

میڈیکل بورڈ کے مطابق دعا زہرا کی عمر کے تعین کے لیے بتیسی، کلائی اور کہنی کے ایکسرے کیے گئے تھے۔