حلیم عادل شیخ پر تشدد، میرے پاس اپنی تکلیف بیان کرنے کیلئے الفاظ نہیں۔دعا بھٹو

کراچی: پاکستان تحریکِ انصاف کی رکنِ سندھ اسمبلی دعا بھٹو نے کہا ہے کہ حلیم عادل شیخ پر تشدد کیا گیا، میرے پاس اپنی تکلیف بیان کرنے کیلئے الفاظ نہیں ہیں۔

سماجی رابطے کی ویب سائٹ ٹوئٹر پر اپنے پیغام میں اپوزیشن لیڈر سندھ اسمبلی حلیم عادل شیخ کی اہلیہ دعا بھٹو نے کہا کہ جب میں نے تشدد کا شکار حلیم عادل شیخ کو دیکھا تو میرے پاس الفاظ نہیں تھے۔

یہ بھی پڑھیں:

جیل میں تشدد، 10روز سے دوائی نہیں دی گئی، حلیم عادل شیخ آبدیدہ

رکنِ اسمبلی دعا بھٹو نے کہا کہ آج جب میں نے اور میرے 11 ماہ کے بیٹے نے زرداری پولیس مافیا کو اپنے شوہر حلیم عادل شیخ پر تشدد کرکے عدالت میں اندر لائے جاتے دیکھا تو مجھ سے اور میرے بیٹے سے وہ منظر نہیں دیکھا گیا۔ 

میرے پاس الفاظ نہیں اپنی تکلیف بیان کرنے کے
میرے
آج جب مینے اور میرے ١١ مہا کے بیٹے نے
زرداری پولیس مافیا کو اپنےشوہر حلیم عادل شیخ پر تشدد کر کے کورٹ میں اندر لاتا دیکھا تو مجھ سے اور میرے بیٹے سے وؤ منظر دیکھا نہیں گیا#ReleaseHaleemAdilShaikh pic.twitter.com/M4w51XUQRS

— DuaBhuttoPTI (@Dua_KamilBhutto) August 30, 2022

خیال رہے کہ اس سے قبل  اپوزیشن لیڈر سندھ اسمبلی حلیم عادل شیخ نے عدالت کے روبرو آبدیدہ ہوتے ہوئے کہا کہ مجھے 10 روز سے دوائی نہیں دی گئی، گلے سے پکڑ کر گرا دیا گیا۔ ویڈیوز سوشل میڈیا پر وائرل ہوگئیں۔

 کراچی کی مقامی عدالت نے حلیم عادل شیخ کے ریمانڈ کی استدعا پر فیصلہ محفوظ کر لیا۔ اپوزیشن لیڈر سندھ اسمبلی کے خلاف 25 ایکڑ اراضی پر قبضے کا کیس چل رہا ہے۔ حلیم عادل شیخ عدالت میں آبدیدہ ہو گئے۔