گوگل نیوز پر ہمیں فالو کریںکراچی: صوبائی وزیر برائے ایکسائز اینڈ ٹیکسیشن و انسداد منشیات اور پارلیمانی امور مکیش کمار چاؤلہ کی ہدایت پر محکمہ ایکسائز سندھ نے ٹیکس نادہندہ گاڑیوں سے ٹیکس وصولی کی مہم صوبے بھر میں شروع کردی ہے ۔
مہم2جنوری تک جاری رہے گی اور صرف کراچی میں 22 مقامات پر سات ٹیمیں چیکنگ کے فرائض انجام دیں گی،ان مقامات میں مزار قائد، شاہراہ قائدین، مسلم آباد، گلستان اسکول، کھارادر، کیماڑی، کوئینز روڈ، کلفٹن، باتھ ائی لینڈ ، ڈی ایچ اے قبرستان شامل ہیں۔
اس کے علاوہ سن سیٹ بولیورڈ، طوبہ مسجد، شاہین کمپلیکس، پی آئی ڈی سی، مائی کولاچی، گلبائی، کران سینما، پاکولا چورنگی، سفاری پارک، جوہر چورنگی روڈ، یونیورسٹی روڈ، ملیر کینٹ، ملیر 15 اور ملیر ہالٹ بھی شامل ہیں۔
صوبائی وزیر برائے ایکسائز اینڈ ٹیکسیشن و انسداد منشیات اور پارلیمانی امور مکیش کمار چائولہ نے اس ضمن میں بتایاکہ مہم کے دوران ٹیکس نادہندہ گان گاڑیوں کو موقع پر ہی ضبط کر لیا جائے گا اور گاڑی خریدنے والے فوری طور پر گاڑی اپنے نام منتقل کروائیں کیونکہ اوپن لیٹر پر گاڑی چلانا جرم ہے۔
یہ بھی پڑھیں: پاکستان پٹرولیم لمیٹڈ کا قلات میں گیس کے نئے ذخائر کی دریافت کااعلان
