گوگل نیوز پر ہمیں فالو کریںاسلام آباد:وفاقی وزیر برائے انسانی حقوق ڈاکٹر شیریں مزاری نے لائن آف کنٹرول کے قریب شہری آبادی کو نشانہ بنانے پر مودی حکومت کی شدید مذمت کی ہے۔
سماجی رابطے کی ویب سائٹ ٹوئٹر پر اپنے پیغام میں وفاقی وزیر برائے انسانی حقوق ڈاکٹر شیریں مزاری نے کہا کہ دنیا بھر کے ممالک کورونا وائرس کے خلاف جنگ میں مصروف ہیں جبکہ بھارت کی فاشسٹ مودی حکومت نے لائن آف کنٹرول پر اشتعال انگیزیاں جاری رکھی ہوئی ہیں۔
وفاقی وزیرِ انسانی حقوق ڈاکٹر شیریں ایم مزاری نے کہا کہ فاشسٹ مودی حکومت نے آزاد کشمیر میں شہری آبادی کو فائرنگ کا نشانہ بنایا جبکہ نریندر مودی اور بھارتیہ جنتا پارٹی کی ہندوتوا حکومت نے جس نفرت کو جنم دیا تھا، وہ آج ان کے قابو سے باہر ہوگئی ہے جو قابلِ مذمت ہے۔
While countries across the world are fighting the COVID19 pandemic, India's fascist Modi Govt chooses to continue aggression across LOC targeting civilians in AJK. The hate that oozes out of Modi and his BJP Hindutva Supremacist is uncontrollable. Utterly condemnable.
— Shireen Mazari (@ShireenMazari1) April 12, 2020
یاد رہے کہ اس سے قبل بھارتی فوج نے سیز فائر کی خلاف ورزی کرتے ہوئے لائن آف کنٹرول پر فائرنگ کی جس سے 2 پاکستانی شہری زخمی ہو گئے۔
ٹوئٹر پر اپنے پیغام میں ڈائریکٹر جنرل آئی ایس پی آر نے کہا کہ بھارتی فوج کے مسلح دستوں نے گزشتہ شب دیر گئے سیزفائر پر بلااشتعال فائرنگ کی۔ ایل او سی اور ورکنگ باؤنڈری کے قریب چرکوٹ اور شکر گڑھ سیکٹرز میں فائرنگ کی گئی۔
مزید پڑھیں: بھارتی فوج کی فائرنگ سے 2 شہری زخمی ہوگئے۔آئی ایس پی آر
