گوگل نیوز پر ہمیں فالو کریںاسلام آباد: وزیرِ اعظم کی معاونِ خصوصی برائے سماجی تحفظ اور احساس پروگرام کی سربراہ ڈاکٹر ثانیہ نشتر نے احساس پروگرام پر گھپلے کے الزام پر ردِ عمل دیتے ہوئے ایک وضاحتی بیان جاری کردیا ہے۔
سماجی رابطے کی ویب سائٹ ٹوئٹر پر سینئر صحافی سلیم صافی نے کہا کہ احساس پروگرام پاکستان کی تاریخ کا سب سے بڑا گھپلا بنتا جا رہا ہے۔ تحریکِ انصاف نے بے انصافی کرتے ہوئے وزیرِ اعلیٰ کے ضلع سوات میں 99 ہزار مستحقین دکھا کر 2 ہزار 500 کو ادائیگی کی۔
سلیم صافی نے کہا کہ احساس پروگرام کے تحت جنوبی وزیرستان کے ضلعے میں صرف 18 افراد مستحق ملے جن میں سے صرف 3 کو ادائیگی کی گئی۔ الزام پر ردِ عمل دیتے ہوئے احساس پروگرام کی سربراہ ڈاکٹر ثانیہ نشتر نے کہا کہ یہ اسکرینز احساس ایمرجنسی کیش انفارمیشن پورٹل کی ہیں۔
احساس پروگرام کی سربراہ ڈاکٹر ثانیہ نشتر نے کہا کہ پورٹل پر شفافیت کے پیشِ نظر اسکرینز شائع کی گئیں جبکہ 8171 اسکیم میں کیٹگری 1 اور کیٹگری 2 کی اسناد 2010ء کے سروے کی بنیاد پر دی جارہی ہیں۔ 2010ء میں جنوبی وزیرستان میں امن نہ ہونے کی وجہ سے سروے نہیں ہوا تھا۔
یہ سکرینیں احساس ایمرجنسی کیش انفارمیشن پورٹل کی ہیں جو کہ شفافیت کے پیش نظر شائع کیا گیا ہے۔ 8171 سکیم میںCategory-1 اور Category-2کی امداد 2010 کے سروے کی بنیاد پر دی جا رہی ہے۔2010 میں شمالی اور جنوبی وزیرستان میں امن عامہ نہ ہونے کی وجہ سے سروے نہیں ہوا تھا۔ 1/4 https://t.co/LlW8KsLHcG
— Senator Dr Sania Nishtar (@SaniaNishtar) April 26, 2020
وزیرِ اعظم کی معاونِ خصوصی برائے سماجی تحفظ نے کہا کہ ایمرجنسی کیش کی کیٹگری 3 میں وزیرستان کا حصہ آبادی کے لحاظ سے ہے۔ 8171 اسکیم کے تحت شمالی وزیرستان سے 61 ہزار 164 اور جنوبی وزیرستان سے 62 ہزار 499 ایس ایم ایس وصول ہوئے جن کی جانچ پڑتال جاری ہے۔
احساس ایمرجنسی کیش کی Category 3 میں وزیرستان کا حصہ آبادی کے لحاظ سے ہے۔ 8171 سکیم کے تحت شمالی وزیرستان سے 61,164 اور جنوبی وزیرستان سے62,499 ایس ایم ایس موصول ہوئے ہیں۔ جانچ پڑتال جاری ہے۔2/4
— Senator Dr Sania Nishtar (@SaniaNishtar) April 26, 2020
معاونِ خصوصی ڈاکٹر ثانیہ نشتر نے کہا کہ کیٹگری 3 کیلئے تمام صوبوں، گلگت بلتستان اور آزاد جموں و کشمیر کا حصہ آبادی کے لحاظ سے رکھا گیا اور مستحقین کی نشاندہی نادرا کے ڈیٹا اینالیسز کے ذریعے کی جارہی ہے۔ کیٹگری 3 میں رقم کی ترسیل اگلے ہفتے شروع ہوگی۔
برائے Category-3 تمام صوبوں، گلگت بلتستان اور آزاد جموں و کشیر کا حصہ آبادی کے لحاظ سے رکھا گیا ہے اور مستحقین کی نشاندہی NADRA کے Data Analytics کےذریعے کی جا رہی ہے۔ Category-3 میں رقم کی ترسیل اگلے ہفتے شروع ہوگی۔3/4
— Senator Dr Sania Nishtar (@SaniaNishtar) April 26, 2020
ڈاکٹر ثانیہ نشتر نے کہا کہ وزیرِ اعظم عمران خان کے احساس ایمرجنسی کیش پروگرام میں سیاسی مداخلت اور اقرباء پروری کا کوئی راستہ نہیں ہے۔ سماجی تحفظ کے اس پروگرام میں شفافیت ہماری اوّلین ترجیح ہے۔
احساس ایمرجنسی کیش میں سیاسی مداخلت اور اقربا پروری کا کوئی راستہ نہیں ہے۔ سماجی تحفظ کے اس پروگرام میں شفافیت ہماری اولین ترجیح ہے۔4/4
— Senator Dr Sania Nishtar (@SaniaNishtar) April 26, 2020
