کورونا سے خوفزدہ نہیں ہونا مگر احتیاط ضرور کریں، ندا یاسر

لاہور:نامور اداکارہ ندا یاسر نے کورونا وائرس سے صحتیابی کے بعد اپنے پرستاروں کا شکریہ ادا کرتے ہوئے کہا ہے کہ میں اپنے اہل خانہ، عزیز و اقارب،دوستوں اور پرستاروں کی دعاؤں کی بدولت صحتیاب ہوئی ہوں۔

انہوں نے کہا کہ میں سب سے یہی کہوں گی کہ کورونا وائرس سے خوفزدہ نہیں ہونا لیکن دوسری جانب احتیاط انتہائی لازم ہے۔ایس اوز پیز کے مطابق ماسک،گلوز کا استعمال اورسماجی فاصلہ بہت ضروری ہے۔

انہوں نے کہا کہ بار بار ہاتھ دھونے کو اپنی عادت بنایا جائے۔ہم خود کورونا وائرس سے محفوظ رکھ کر نہ صر ف اپنے اہل خانہ بلکہ دوسروں کو بھی محفوظ بنا سکتے ہیں۔

انہوں نے کہا کہ اسی سوچ کوا پنے ذہن میں رکھتے ہوئے احتیاطی تدابیر اپنانا ہوں گی۔کیونکہ احتیاطی تدابیر اپنانے میں ہی ہم سب کا فائدہ ہے۔ انہوں نے کہا کہ ایس او پیز پر لازمی عمل کریں۔