گوگل نیوز پر ہمیں فالو کریںپاکستان اور امریکا کے تعلقات معاشی استحکام پر مرکوز ہیں۔ امریکی سفیر ڈونلڈ بلوم کا کہنا ہے کہ دونوں ممالک کے تعلقات سکیورٹی سے آگے بڑھ چکے ہیں۔
تفصیلات کے مطابق پاکستان میں خدمات سرانجام دینے والے امریکی سفیر ڈونلڈ بلوم نے نیویارک کے ڈپٹی اسپیکر فل راموس سے ملاقات کے دوران کہا کہ پاکستان گرین انرجی پالیسی بروئے کار لا کر اپنی معیشت کا پہیہ رواں دواں کرسکتا ہے۔
تحمل سے کام لیں، ہم جنگ کا دائرہ پھیلانا نہیں چاہتے، امریکا کا ایران کو پیغام
گفتگو کے دوران امریکی سفیر ڈونلڈ بلوم نے کہا کہ گرین انرجی پالیسی پاکستان کی اقتصادی آزادی کو برقرار رکھنے میں مدد دے گا۔ پاکستان کیلئے گرین الائنس کی بدولت کلائمیٹ انرجی، پانی اور دیگر اقتصادی ضروریات کو بھی محفوظ رکھنا ممکن ہوگا۔
برطانوی چیف آف جنرل اسٹاف کی پاکستان آمد
امریکی سفیر نے کہا کہ پاکستان کو اپنی پالیسیوں میں شفافیت اور پائیداری کے ساتھ ساتھ انصاف پر مبنی سوچ پر توجہ دینا ہوگی۔ نیو یارک کے ڈپٹی اسپیکر فل راموس کا کہنا تھا کہ اگر سندھ اور پنجاب نیو یارک کی سسٹر اسٹیٹ بنے تو یہ ایک اچھا قدم ہوگا۔
یاد رہے کہ اس سے قبل ایرانی وزیر خارجہ حسین امیر عبد اللہیان نے انکشاف کیا کہ ایران کو امریکا سے دو خطوط موصول ہوئے ہیں جن میں اس بات کی یقین دہانی کرائی گئی کہ امریکا جنگ کے دائرے کو بڑھانے کا ارادہ نہیں رکھتا۔
خطوط کا حوالہ دیتے ہوئے گزشتہ ماہ ایرانی وزیر خارجہ کا کہنا تھا کہ ان کا ملک بھی خطے میں جنگ کے دائرے کو بڑھانے کا خواہاں نہیں لیکن غزہ میں خواتین اور بچوں کو قتل کرنے کا سلسلہ مزاحمتی قوتوں اور علاقے کے عوام میں بے چینی کا باعث بنے گا۔
