انٹربینک میں ڈالر مزید مہنگا، 215 روپے کا ہوگیا

کراچی: انٹربینک مارکیٹ میں کاروبار کے آغاز کے کچھ ہی دیر کے بعد ڈالر کی قیمت میں اضافہ ہوا ہے۔

تفصیلات کے مطابق انٹربینک مارکیٹ میں ڈالر کی قیمت میں 5 پیسے اضافہ ہوا، جس کے بعد ڈالر 215 روپے پر ٹریڈ ہو رہا ہے ۔

گزشتہ روز انٹربینک مارکیٹ میں ڈالر کی قدر 99 پیسے کے اضافے سے 214.88 روپے اور اوپن کرنسی مارکیٹ 4 روپے کے اضافے سے 217 روپے ہوگئی تھی۔

یہ بھی پڑھیں:

کرپٹوکرنسی پلیٹ فارم کو برطانیہ میں صارفین کی مالیاتی خدمات کی منظوری مل گئی

دوسری جانب اسٹیٹ بینک آف پاکستان کی رپورٹ کے مطابق ملکی زرمبادلہ کے ذخائر میں چار ہفتے مسلسل گراوٹ کے بعد پہلا اضافہ ہوا ہے۔

اسٹیٹ بینک آف پاکستان کی جانب سے جاری اعداد و شمار کے مطابق 12 اگست تک ملکی زرمبادلہ کے ذخائر 13 ارب 61 کروڑ ڈالر رہے۔

اسٹیٹ بینک کا کہنا ہے کہ زرمبادلہ کے ذخائر 12 اگست کو ختم ہونے والے ہفتے میں 5 کروڑ ڈالر بڑھے ہیں۔