گوگل نیوز پر ہمیں فالو کریںکراچی:پاکستان پیپلز پارٹی کے سینئر رہنما و ترجمان سندھ حکومت بیرسٹر مرتضیٰ وہاب نے کہا ہے کہ ڈاکٹرز اور طبی عملہ کورونا وائرس کے خلاف جنگ میں ہمارا واحد دفاع ہیں۔
سماجی رابطے کی ویب سائٹ ٹوئٹر پر اپنے پیغام میں ترجمان سندھ حکومت بیرسٹر مرتضیٰ وہاب نے کہا کہ ڈاکٹرز، نرسز اور طبی عملہ وائرس کے خلاف دفاع میں صرف ہمارا ہراول دستہ نہیں بلکہ یہ وہ واحد صف ہے جو کورونا کے خلاف ہمارے دفاع کی صلاحیت رکھتی ہے۔
ترجمان سندھ حکومت بیرسٹر مرتضیٰ وہاب نے عوام سے اپیل کی کہ ڈاکٹرز اور طبی عملہ جو بتائے، اسے سنیں کیونکہ یہ آپ کے فائدے کے لیے ہے جبکہ یہ ہمارے بڑوں اور پیاروں کی زندگیوں کیلئے بہتر ہے۔
Doctors, nurses & paramedics are not just our front line of defence, they are our only line of defence in our fight against #COVIDー19. Plz listen to what they are telling you, it is for your own good. It is good for our elders & loved ones. Thank u. Pakistan Zindabad
— Murtaza Wahab Siddiqui (@murtazawahab1) April 22, 2020
یاد رہے کہ اس سے قبل میئر کراچی وسیم اختر نے کہا کہ کورونا وائرس کے باعث لاک ڈاؤن کے دوران مخیر حضرات اور اداروں کو کراچی کے لوگوں کی مدد کرنی چاہئے۔غریب بستیوں میں لوگ امداد کے منتظر ہیں جبکہ سرکاری سطح پر یہ کام ممکن نظر نہیں آرہا۔
میئر کراچی نے گزشتہ روز ایدھی ہوم سہراب گوٹھ کے دورے کے موقعے پر کہا کہ ٹیلی کام کے شعبے سے وابستہ کمپنی نے 500 راشن بیگز جس میں ایک ماہ کا راشن موجود ہے، کراچی بھیجے ہیں جو مستحقین میں تقسیم کئے جائیں گے۔
مزید پڑھیں: کراچی کو سنگین صورتحال میں تنہا نہیں چھوڑیں گے، میئر کراچی
