گوگل نیوز پر ہمیں فالو کریںہمارے اردگرد کئی ایسے لوگ ہیں جنہیں بستر پر لیٹنے کے بعد سونے میں مشکلات کا سامنا کرنا پڑتا ہے۔
ایسے افراد سونے کیلئے مختلف قسم کی تدابیر کرتے ہیں، کچھ مطالعہ کرتے ہیں اور کچھ موسیقی سنتے ہیں، لیکن بعض ایسے افراد بھی ہیں جو اس سب کے باوجود بھی نہیں سوپاتے۔
یہاں پر ہم آپ کو 5 ایسے طریقے بتارہے ہیں جن کی مدد سے آپ کیلئے 5 منٹ کے اندر سونا ممکن ہوجائے گا:
الیکٹرونک ڈیوائسز سے دور رہیں
بستر پر جانے سے قبل تمام الیکٹرونک ڈیوائسز سے دور رہیں، کیونکہ اسمارٹ فونز، کمپیوٹر اور ٹیبلیٹ جیسی ڈیوائسز سے نیلی روشنی خارج ہوتی ہے۔ یہ نیلی روشنی جسمانی گھڑی کے افعال پر منفی اثرات مرتب کرتی ہے اور نیند کو دور بھگا دیتی ہے۔
اسی لئےسونے سے کم از کم 15 سے 30 منٹ پہلے ان ڈیوائسز سے دور ہوجائیں یا کم از کم فون کو ائیرپلین موڈ پر سوئچ کردیں۔
وزرش کواپنا معمول بنالیں
ورزش کرنا صرف اچھی صحت کیلئے ضروری نہیں بلکہ اچھی نیندسے بھی اس کا گہرا تعلق ہے، جسمانی سرگرمیوں سے نیند کا معیار اور دورانیہ بہتر ہوتا ہے جبکہ تناؤ میں کمی آتی ہے جس سے مزاج پر خوشگوار اثرات مرتب ہوتے ہیں اور جلد سونے میں مدد ملتی ہے۔
نیند کا وقت طے کریں
نیند کا مخصوص وقت جلد سونے میں مدد فراہم کرتا ہے۔ ہمارے جسم کا اپنا ریگولیٹری سسٹم ہوتا ہے اور اندرونی گھڑی دن میں ذہنی طور پر مستعد رکھتی ہے جبکہ رات کو غنودگی طاری کرتی ہے۔
روزانہ مخصوص وقت پر سونے کے لیے لیٹنے اور صبح جاگنے سے اندرونی گھڑی کو معمول برقرار رکھنے میں مدد ملتی ہے۔جب ہمارا جسم نیند کے معمول کا عادی ہوجاتا ہے تو مخصوص وقت پر سونا اور جاگنا آسان ہوجاتا ہے۔
چائے یا کافی سے گریز
چائے یا کافی میں موجود کیفین جسمانی طور پر مستعد بنانے کے لیے اہم غذائی جز ہے مگر رات کو ان مشروبات کا استعمال نیند کے لیے تباہ کن ثابت ہوتا ہے۔
ویسے تو ہر فرد پر کیفین کے اثرات مختلف ہوسکتے ہیں مگر بہتر یہ ہے کہ نیند کے وقت سے چند گھنٹے پہلے ہی ان سے دوری اختیار کرلیں۔
مطالعہ
سونے سے کچھ دیر قبل اگر مطالعہ کیا جائے تو اس سے بھی نیند جلدی آجاتی ہے۔
سانس لینے کا مخصوص طریقہ
ہارورڈ یونیورسٹی کے ایک ماہر نے بے خوابی کا ایک آسان حل پیش کیا ہے اور اس کی مدد سے آپ ایک منٹ میں بھی سونے میں کامیاب ہوسکتے ہیں۔
ہارورڈ کے ڈاکٹر اینڈریو ویل کے مطابق یہ ایک قدرتی ٹوٹکا ہے جو صدیوں سے مختلف افراد استعمال کررہے ہیں۔اس طریقے کو 4-7-8 کا نام دیا گیا ہے اور یہ سننے یا بولنے جتنا ہی آسان ہے۔
سب سے پہلے بستر پر سکون سے لیٹ جائیں اور پھر اپنی ناک سے 4 سیکنڈ کے لیے سانس لیں، اس کے بعد 7 سیکنڈ کے لیے سانس روک لیں اور پھر منہ سے 8 سیکنڈ میں آہستگی سے سانس خارج کریں۔
