گوگل نیوز پر ہمیں فالو کریںبرطانوی اداکار ہنری کیول نے کہا ہے کہ بچپن میں انھیں موٹاپے کی وجہ سے تنقید کا سامنا کرنا پڑتا تھا۔
حال ہی میں فلم مین آف اسٹیل اور سپرمین سے شہرت حاصل کرنے والے ہنری کیول نے انٹرویو میں انکشاف کیا کہ بچپن میں میرے ساتھی مجھے موٹاپے پر تنقید کا نشانہ بناتے تھے۔
ایک انٹرویو میں اداکار نے کہا کہ نوجوانی میں اُن کی زندگی بہت مشکل تھی، مجھے موٹاپے کی وجہ سے بہت باتیں سننی پڑتی تھیں۔ تاہم جب میں نے وزن کم کرکے اداکاری کی دنیا میں قدم رکھا تو میری دنیا بدل گئی۔
ہنری کیول کے مطابق جب میں اداکار بن گیا تھا تو وہ لوگ جو مجھے بچپن میں پریشان کرتے تھے وہ بھی میری تعریف کرنے لگے تھےاور میرے پاس آکر کہتے تھے کہ تم واقعی بہت اچھے ہو۔
کام کے محاذ پرہنری کیول دی وچر کے تیسرے سیزن میں نظر آئیں گے۔
