گوگل نیوز پر ہمیں فالو کریںپاکستانی فلم انڈسٹری کے معروف اداکار شان شاہد نے اداکار ہمایوں سعید کی فلم لندن نہیں جاؤں گا کے حوالے سے تبصرہ کیا ہے۔
گزشتہ دنوں ایک تقریب کے بعد میڈیا نمائندے سے گفتگو میں اداکار شان شاہد نے فلم رائٹرز اور ہدایتکاروں کو مشورہ دیا کہ انہیں نئے اور بہتر موضوعات پر فلمیں بنانی چاہیئے۔
View this post on Instagram
اداکار نے کہا کہ بہت سے ایسے موضوع ہیں جن پر پاکستانی ڈائریکڑز یا رائٹر ہاتھ نہیں ڈال رہے، سائنس فکشن اور ہارر فلموں کو ہم استعمال ہی نہیں کرتے نہ اسکرپٹ ہے نہ فلمیں بن رہی ہیں۔
ہمایوں سعید کی پنجاب نہیں جاؤں گی اور لندن نہیں جاؤں گا کے حوالے سے گفتگو کرتے ہوئے شان شاہد نے کہا کہ جب یہ اِدھر نہیں جاؤں گی اُدھر نہیں جاؤں گی سے نکلیں گے تو شاید اس طرف آئیں ۔
واضح رہے کہ شان شاہد کی نئی فلم ’ضرار‘ 25 نومبر کو پاکستان سمیت دنیا بھر کے کئی سنیما گھروں کی زینت بنے گی جس میں مرکزی کردار شاہد شاہد نبھا رہے ہیں جبکہ وہی اس کے ہدایتکار بھی ہیں۔
