گوگل نیوز پر ہمیں فالو کریںپاکستان تحریک انصاف کے بانی عمران خان نے پارٹی رہنماؤں کی درخواست پر سول نافرمانی کی تحریک کچھ دن کے لیے معطل کردی ہے۔
اڈیالہ جیل کے باہر میڈیا سے گفتگو کرتے ہوئے عمران خان کی بہن علیمہ خان کا کہنا تھا کہ پارٹی نے خان سے کہا ہے کہ سول نافرمانی پر تھوڑے دن رک جائیں، اس پر بانی پی ٹی آئی مان گئے۔
ہم نے کوئی گناہ نہیں کیا، پی ٹی آئی نے معافی مانگنے سے صاف انکار کردیا
ان کا کہنا تھا کہ عمران خان نے کہا کہ مجھے ملک کی فکر ہے، میں تھوڑے دن انتظار کرلیتا ہوں، حکومت میرے یہ 2 مطالبات پورے کردے، انہوں نے یہی مطالبات دے کر اپنے لوگوں کو حکومت کی طرف بھیجا ہے۔
علیمہ خان کا کہنا تھا کہ بانی پی ٹی آئی نے کہا کہ اگر میرے دو مطالبات نہ مانے گئے توسول نافرمانی کی کال دوں گا۔
خیال رہے کہ پاکستان تحریک انصاف کے بانی عمران خان نے 14 دسمبر سے ملک میں سول نافرمانی کی تحریک شروع کرنے کا اعلان کیا تھا۔
