خواہش تھی کہ پاکستان کیلئے کھیلوں، کپتان ہانگ کانگ کرکٹ ٹیم

ہانگ کانگ کرکٹ ٹیم کے کپتان نزاکت خان کا کہنا ہے کہ میری خواہش تھی کہ پاکستان کیلئے کھیلوں لیکن اب ہانک کانگ کی نمائندگی کرتا ہوں اور اب یہی میری ٹیم ہے۔

ہانگ کانگ کرکٹ ٹیم کے کپتان نزاکت خان نے ایک انٹرویو میں کہا کہ پاکستان کے خلاف میچ کے لیے ہم سب بہت پُرجوش ہیں، میں پاکستان کے خلاف ایشیا کپ میں دوسری بار کھیل رہا ہوں۔

انہوں نے کہا کہ ہمیں یقین ہے کہ ہم پاکستان کے خلاف میچ میں اچھا کھیلیں گے، بابر اعظم اس وقت کرکٹ کا بڑا ستارہ بننے جا رہا ہے۔

یہ بھی پڑھیں:

گیارہ سالہ عائشہ ایاز نے انٹرنیشنل تائیکوانڈو چمپیئن شپ میں گولڈ میڈل جیت لیا

کپتان نزاکت خان نے کہا کہ بابر اعظم تسلسل سے پرفارم کر رہے ہیں اور کپتانی میں ذمے داری لیتے ہیں، میں بھی بیٹنگ اور کپتانی میں بابر اعظم کے نقشِ قدم پر چلنے کی کوشش کرتا ہوں۔

ہابگ کانگ کے کپتان کا مزید کہنا تھا کہ مجھے بولنگ میں شاہین آفریدی پسند ہیں جیسی وہ بولنگ کرتے ہیں وہ شاندار ہے۔