ڈپٹی پراسیکیوٹر جنرل چوہدری خلیق الزمان عہدے سے مستعفیٰ ہوگئے

لاہور: قومی احتساب بیورو (نیب) کے ڈپٹی پراسیکیوٹر جنرل چوہدری خلیق الزمان نے اپنے عہدے سے استعفیٰ دے دیا۔

تفصیلات کے مطابق نیب کے ڈپٹی پراسیکیوٹر جنرل چوہدری خلیق الزمان نے اپنے عہدے سے استعفیٰ دے دیا ہے۔

انہوں نے اپنے استعفے کے متن میں لکھا کہ بعض حالات کی وجہ سے نیب کے ساتھ کام نہیں کر سکتا، کچھ خاص وجوہات کی بنا پر کام کرنا مشکل ہوگیا ہے۔

واضح رہے کہ ڈپٹی پراسیکیوٹر نیب جنرل چوہدری خیلق الزمان نوازشریف، شہبازشریف اور سعدرفیق سمیت دیگر کے خلاف کیسزکے پراسیکیوٹر مقرر تھے۔

یہ بھی پڑھیں:

کراچی، دو دریا پر قائم پرانا ریسٹورینٹ گر پڑا

دوسری جانب وفاقی حکومت نے ایک بار پھر نیب کے قانون میں ترمیم کی تیاری شروع کردی ہے، جس کے تحت نیب پچاس کروڑ روپے سے کم کرپشن کیسز کی تحقیقات نہیں کرسکے گا۔

نئے بل کے مطابق احتساب عدالت کے ججز کی تقرری سے متعلق صدر کا اختیار بھی ختم ہوگا اور پراسیکیوٹرجنرل نیب کی مدت ملازمت میں تین سال کی توسیع کی جاسکے گی۔

ترمیم شدہ بل میں کہا گیا ہے کہ سیکشن انیس ای میں بھی ترمیم کرتے ہوئے تجویز دی گئی کہ نیب کو ہائی کورٹ کی مدد سے نگرانی کی اجازت دینے کا اختیار واپس ہوگا۔