راولپنڈی میں ڈینگی وائرس بے قابو، 24 گھنٹوں میں مزید 53 کیسز رپورٹ

راولپنڈی میں ڈینگی وائرس بے قابو ہوگیا ہے، گزشتہ 24 گھنٹوں کے دوران شہر میں 53 افراد ڈینگی وائرس سے متاثر ہوئے ہیں۔

محکمہ صحت نے بتایا کہ رواں برس راولپنڈی میں ڈینگی کے مریضوں کی تعداد 1330 ہوچکی ہیں، جن میں سے زیادہ تر کیسز پوٹھوہار ٹاؤن سے رپورٹ ہوئے ہیں جن کی تعداد 795 ہے۔

ضلعی انتظامیہ کے مطابق الائیڈ اسپتالوں میں ڈینگی کے مریضوں کی تعداد 197 ہے جن میں سے 151 کا تعلق راولپنڈی سے ہے۔

یہ بھی پڑھیں:

پاکستان میں بیماریوں سے مزید اموات کا خدشہ ہے۔عالمی ادارۂ صحت

ضلعی انتظامیہ نے شہر میں بڑھتے ہوئے ڈینگی کیسز کے بارے میں بتایا کہ ابھی ڈینگی سے مقابلے کا فیز ٹو چل رہا ہے جبکہ 3 ہزار کے قریب مزید ڈینگی کے مریض متوقع ہیں۔

انتظامیہ نے کہا کہ اگر آنے والے دنوں میں ڈینگی کے مریضوں کی تعداد میں اضافہ ہوتا ہے تو فیزتھری پر کام کرینگے جس میں 300 بستر آر آئی یوٹی اور 100 بستر الائیڈ اسپتالوں میں بڑھائے جائینگے۔

اسپتالوں میں نرسنگ اسٹاف بڑھانے کے حوالے سے انتظامیہ کا کہنا تھا کہ حکومت پنجاب سے اس حوالے سے درخواست کی ہے۔