گوگل نیوز پر ہمیں فالو کریںہندوستانی اداکارہ دیپکا پڈوکون جولائی کو نیشنل سیلف کیئر مہینے کے طور پر منا رہی ہیں، انسٹاگرام پوسٹس کی ایک سیریز کے ساتھ جو ان کی اسکن کیئر روٹین اور تازہ سیلفیز کا مجموعہ دکھاتی ہیں، اپنی تازہ ترین پوسٹ میں اداکار ہ نے مستقل مزاجی اور سادگی کی اہمیت پر زور دیتے ہوئے اپنی جلد کی دیکھ بھال کا طریقہ شیئر کیا۔
دیپکا نے اپنے کیپشن میں لکھا، ’’یہ سیلف کیئر کا مہینہ ہے! لیکن خود کی دیکھ بھال کا مہینہ کیوں منایا جائے جب آپ ہر روز خود کی دیکھ بھال کے آسان کاموں پر عمل کر سکتے ہیں؟ اسکن کیئر کے لیے، اچھاکھانا، اچھی طرح سونا، ہائیڈریٹ رہنا اور باقاعدہ نقل و حرکت ضروری ہے ، ایک سادہ لیکن مسلسل اسکن کیئر روٹین وہی ہے جو میرے لیے واقعی کام کرتی ہے! یہ 3 آسان مراحل پر مشتمل ہے: کلینزنگ، ہائیڈریٹ اور پروٹیکٹ۔
انہوں نے مزید کہاکہ ہفتے میں ایک دن ایسا ہوتا ہے جب میں مکمل باڈی مساج، چہرے کے ماسک اور ہیئر ماسک کے ساتھ تھوڑا سا مزید مشغول ہونا پسند کرتی ہوں ۔انہوں نے انکشاف کیا کہ وہ اس معمول پر پوری تندہی سے عمل کرتی ہیں کیونکہ یہ واحد طریقہ ہے جو انہیں موثر لگتا ہے۔
واضح رہے کہ ان دنوں دیپکا اور رنویر سنگھ اپنے پہلے بچے کی توقع کر رہے ہیں۔ اداکارہ کو حال ہی میں ناگ اشون کی ہدایت کاری میں بننے والی فلم کالکی 2898ء میں دیکھا گیا تھا۔ فلم میں پربھاس، امیتابھ بچن، کمل ہاسن، اور شوبنا شامل ہیں، فلم نے ایک بڑی کامیابی حاصل کی ہے، جس نے باکس آفس پر اپنے پانچویں ہفتے میں عالمی سطح پر 1100 کروڑ بھارتی روپے سے زیادہ کی کمائی کی۔
