گوگل نیوز پر ہمیں فالو کریںبالی وڈ کی صف اول کی اسٹار ادا کارہ دیپیکا پڈوکون بلاک بسٹر فلم ’کالکی 2898‘ کے سیکوئیل کا حصہ نہیں ہوں گی۔
بھارتی میڈیا ذرائع نے دعویٰ کیا ہے کہ پروڈیوسر پہلے دیپیکا پاڈو کون کی ڈلیوری کا انتظار کرنا چاہتے تھے لیکن اب انہوں نے دیپیکا کی جگہ دوسری ادا کارہ کو لانے کا فیصلہ کیا ہے۔
بھارتی فلم نگری کے ذرائع کے مطابق ڈائریکٹر ناگ ایشون نے سیکوئیل بنانے کے لئے تمام تر تیاریاں شروع کردی ہیں اور اس میں لیجنڈ امیتابھ بچن، کمل ہاسن اور پرابھاس دوبارہ ایکشن میں نظر آئیں گے۔
’کالکی 2898‘ میں کمل ہاسن کا کردار بہت مختصر تھا لیکن سیکوئیل فلم کے اندر وہ ایک بھرپور کردار کے ساتھ سامنے آئیں گے۔
یاد رہے کہ سائنس فکشن فلم کی کامیابی کے ساتھ ناگ ایشون انڈین انڈسٹری کے کامیاب ترین فلمسازوں ایس ایس راجمولی، سنجے لیلا بھنسالی اور کرن جوہر کی صف میں آگئے ہیں۔
