گوگل نیوز پر ہمیں فالو کریںراولپنڈی: سگی بیٹی نے بوڑھی ماں پر عرصہ حیات تنگ کردیا، زندگی کے آخری ایام میں بوڑھی ماں در درکی ٹھوکریں کھانے پر مجبور ہوگئی۔
ذرائع کے مطابق رضیہ بیگم جو کہ راولپنڈی بنگش کالونی کی رہائشی ہیں نے اپنی روداد ایم ایم نیوز کو بتاتے ہوئے کہا کہ میری نافرمان بیٹی نے مجھ پر عرصہ حیات تنگ کردی ہے۔
میری بیٹی جو کہ نافرمان ہو چکی ہے مجھے میرے ذاتی گھر سے بے دخل کر کے قبضہ کرنا چاہتی ہے،گھر کے اصل کاغذات رجسٹری تمام وہ چوری کر کے اپنے ساتھ لے گئی ہے اور وقتا فوقتا اپنے ہمراہ کچھ لوگوں کے ساتھ مجھے شدید ذہنی ٹارچر کرتی ہے۔
ہر دفعہ اس کا یہی مطالبہ ہوتا ہے یہ گھر میرے حوالے کر دو ورنہ تمہیں اس کا نتیجہ بھگتنا پڑے گا، ماں ہونے کے ناطے یہ نہیں چاہتی تھی اپنی بیٹی کو دنیا کی نظروں میں رسوا کروں۔
بوڑھی ماں کا کہنا تھا کہ عمر کے اس حصے میں ہوں یہاں ہر انسان چاہتا ہے کہ اس کی زندگی کے آخری ایام آرام اور سکون سے گزریں۔
مزید پڑھیں:اسلام آباد، جشنِ آزادی کے روز غیر ملکی خواتین کو ہراساں کرنے کا انکشاف، مقدمہ درج
