گوگل نیوز پر ہمیں فالو کریںپاکستان کسٹمز پریوینٹیو کراچی نے سائٹ ایریا میں واقع فیکٹری پر چھاپہ مارا جس کے دوران 30 ہزار کلو گرام اسمگل کی گئی مضرِ صحت چھالیہ برآمد ہوئی ہے۔
تفصیلات کے مطابق پاکستان کسٹمز پریوینٹیو کراچی کا مضر صحت چھالیہ کے خلاف کریک ڈاؤن جاری ہے جس کے دوران سائٹ ایریا میں واقع فیکٹری پرخفیہ اطلاع ملنے کے بعد چھاپہ مار کارروائی کی گئی۔
ترجمان کسٹمز کے مطابق کامیاب کارروائی کے دوران 30 ہزار کلو گرام اسمگل کی گئی مضرِ صحت چھالیہ برآمد ہوئی۔ نگینہ ٹکرا اسپیشل سویٹ سپاری کے 900 پیکٹ جبکہ سوڈیم سائیکلا میٹ 2500 کلو گرام کی مقدار میں برآمد ہوئی۔ مقدمہ درج کر لیا گیا۔
کسٹمز کے مطابق ضبط کی گئی مضرِ صحت چھالیہ اور دیگر سامان کی مالیت 4 کروڑ روپے ہے جبکہ کسٹمز کو فیڈرل بورڈ آف ریونیو کی جانب سے کارروائیاں مزید تیز کرنے کی ہدایت کی گئی ہے۔
یہ بھی پڑھیں: اسامہ ستی قتل کیس، عدالت کا دہشت گردی کی دفعات خارج کرنے کا فیصلہ
