گوگل نیوز پر ہمیں فالو کریںامپھال: بھارتی ریاست منی پور میں پرتشدد واقعات میں اضافہ ہونے کے بعد 8 اضلاع میں کرفیو نافذ کر کے فوج کو بھی تعینات کردیا گیا ہے۔
بھارتی میڈیا ذرائع کا کہنا ہے کہ منی پور میں 5 روز کے لیے انٹرنیٹ سروس معطل کردی گئی اور اجتماعات پر بھی پابندی عائد کردی گئی ہے۔
ریاستی دارالحکومت اِمپھال میں بھی متعدد گرجا گھر اور مکان نذرِ آتش کردیے گئے جس میں کئی لوگوں کے جھلس جانے کی اطلاعات بھی موصول ہوئی ہیں۔
مزید پڑھیں:بھارتی فوج کا جدید ٹیکنالوجی سے لیس ہیلی کاپٹر مقبوضہ کشمیر میں گر کر تباہ ہوگیا
رپورٹس میں بتایا گیا ہے کہ غیر قبائلی آبادی کی جانب سے قبائلی درجے کے مطالبے پر منی پور میں فسادات ہوئے، غیر قبائلی آبادی کے مطالبے کے خلاف قدیم قبائلیوں کی تنظیمیں احتجاج کر رہی ہیں۔
