گوگل نیوز پر ہمیں فالو کریںدبئی انٹرنیشنل کرکٹ اسٹیڈیم میں آج کھیلے جانے والے آئی سی سی چیمپئنز ٹرافی 2025 کے پہلے سیمی فائنل میں آسٹریلیا نے ٹاس جیت کر پہلے بیٹنگ کرنے کا فیصلہ کیا ہے۔
ہندوستان اور آسٹریلیا دونوں اپنے تینوں میچ جیت کر اپنے گروپ میں ناقابل شکست رہے ہیں۔بھارت نے گروپ اے کے اپنے آخری میچ میں نیوزی لینڈ کو 44 رنز سے شکست دی تھی۔
دوسری جانب بدھ کو لاہور میں دوسرے سیمی فائنل میں نیوزی لینڈ کا مقابلہ گروپ بی کی فاتح جنوبی افریقہ سے ہوگا۔
ٹاس کے بعد بات کرتے ہوئے بھارتی کپتان سے جب پوچھا گیا کہ اگر وہ ٹاس جیتتے تو وہ بیٹنگ کرتے یا بولنگ کرتے، تو انہوں نے کہا کہ میں دونوں کرنے کے لیے تیار تھا۔
ان کا کہنا تھا کہ یہاں کی وکٹیں بہت مختلف انداز میں کھیلی ہیں اور جب آپ کنفیوز ہوں تو ٹاس ہارنا بہتر ہے۔ہم نے یہاں تین میچ کھیلے اور ہر بار وکٹ مختلف تھی۔ پچ اپنی نوعیت بدلتی رہتی ہے اور دن کے اختتام پر آپ کو اچھی کرکٹ کھیلنی ہوتی ہے۔
آسٹریلوی کپتان سے جب پوچھا گیا کہ وہ پچ کے بارے میں کیا کہتے ہیں تو انہوں نے کہا کہ یہ خشک پچ کی طرح دکھائی دیتی ہے ۔پچ کو بہت زیادہ ٹرن لینا چاہئے لہٰذا ہم بورڈ پر رنز چاہتے ہیں اور بعد میں دباؤ ڈالنا چاہتے ہیں۔
آسٹریلیا الیون: ٹریوس ہیڈ، جوش انگلس (وکٹ کیپر)، اسٹیون اسمتھ (کپتان)، مارنس لیبوشین، کوپر کونولی، ایلکس کیری، گلین میکسویل، بین دروشوئس، نیتھن ایلس، تنویر سنگھا، ایڈم زمپا۔
انڈیا الیون: روہت شرما (کپتان)، شبمن گل، ویرات کوہلی، شریاس ایر، اکشر پٹیل، کے ایل راہول (وکٹ کیپر)، ہاردک پانڈیا، رویندرا جڈیجا، محمد شامی، کلدیپ یادیو، ورون چکرورتی۔
