کرسٹیانو رونالڈو سے مانچسٹر یونائیٹڈ کے کوچ نالاں، وجہ کیا

معروف فٹ بالر کرسٹیانو رونالڈو کے عدم تعاون کی وجہ سے مانچسٹر یونائیٹڈ کے کوچ نالاں ہوگئے۔

غیر ملکی خبررساں ادارے کی ایک رپورٹ کے مطابق گزشتہ پریمیئر لیگ میں مانچسٹر یونائیٹڈ چھٹے نمبر پر تھی اور ایرک ٹین اُس کا سارا ملبہ رونالڈو پر ڈال رہے ہیں۔

میڈیا رپورٹس کے مطابق مانچسٹریونائیٹڈ کے کوچ رونالڈو کے فرنچائز کو چھوڑنے کے مطالبے سے سخت پریشان ہیں، انہوں نے کہا کہ رونالڈو کے متنزل فیصلوں نے میرے منصوبوں کو درہم برہم کردیا ہے۔

جووینٹس سے بلاک بسٹر اقدام میں مانچسٹر یونائیٹڈ واپس آنے کے صرف ایک سال بعد، رونالڈو پہلے ہی اس قدر مایوس ہوچکے ہیں کہ وہ اولڈ ٹریفورڈ سے زبردستی باہر نکلنے کی کوشش کررہے ہیں۔

یہ بھی پڑھیں:

سری لنکا ایشیا کپ کی میزبانی کیلئے تیار، ایونٹ ٹی ٹوئنٹی طرز پر کھیلا جائے گا

خیال رہے کہ رونالڈو کے ایجنٹ جارج مینڈس نے بائرن میونخ، چیلسی اور ناپولی کے ساتھ بات چیت کی ہے کیونکہ وہ رونالڈو کے عزائم کو پورا کرنے کے قابل کلب کی تلاش میں ہے۔

حالانکہ کرسٹیانو رونالڈو نے گزشتہ سیزن کا اختتام 24 گولز کے ساتھ کیا اور مانچسٹر یونائیٹڈ کی جانب سے ٹاپ اسکورر رہے لیکن پھر بھی ان کے کلب نے سیزن ٹرافی کے بغیر ختم کیا، اور کلب چمپئینز لیگ کے لیے کوالیفائی کرنے میں بھی ناکام رہا۔

واضح رہے کہ کرسٹیانو رونالڈو کا کلب کے ساتھ معاہدے کا اختتام ایک سال بعد ہونا ہے، لیکن مانچسٹر یونائیٹڈ کا اصرار ہے کہ فارورڈ کسی اور کلب کی جانب نہ دیکھیں۔