راولپنڈی پولیس کا پتنگ فروشوں کے خلاف کریک ڈاؤن، 3 ملزمان گرفتار

راولپنڈی پولیس نے پتنگ فروشوں کے خلاف کریک ڈاؤن کرتے ہوئے 3 ملزمان کو گرفتار کر لیا جن کے قبضے سے سیکڑوں پتنگیں برآمد ہوئی ہیں۔

سماجی رابطے کی ویب سائٹ ٹوئٹر پر راولپنڈی پولیس کے آفیشل اکاؤنٹ کے ذریعے جاری کردہ پیغام کے مطابق پتنگ فروشوں کے خلاف قانونی کارروائی آئی جی پنجاب کے احکامات پر کی گئی۔

یہ بھی پڑھیں:

پٹیل پاڑہ میں فائرنگ، 1 خاتون سمیت 2 افراد جاں بحق، 1 زخمی

راولا کوٹ، راولپنڈی جانے والی بس کھائی میں گرگئی، 23افراد جاں بحق

راولپنڈی سے پتنگ فروش گرفتار، 3000 پتنگیں، 300 کیمیکل ڈوریں برآمد

ٹوئٹر پیغام کے مطابق راولپنڈی پولیس نے پتنگ فروشوں اور پتنگ بازوں کے خلاف کریک ڈاؤن کرتے ہوئے 3 ملزمان کو گرفتار کیا جن کے قبضے سے 600 سے زائد پتنگیں اور ڈوریں برآمد ہوئیں۔

آئی جی پنجاب کے احکامات کے مطابق راولپنڈی پولیس کا پتنگ فروشوں اور پتنگ بازوں کے خلاف کریک ڈاؤن جاری، 03 ملزمان گرفتار، 600 سے زائد پتنگیں اور ڈوریں برآمد۔ ملزمان کے خلاف تھانہ ائرپورٹ اور تھانہ نیوٹاؤن میں مقدمات درج کرلیے گئے۔ pic.twitter.com/TjKYngJv4K

— Rawalpindi Police (@RwpPolice) December 13, 2021

پیغام کے مطابق راولپنڈی پولیس نے گرفتار کیے گئے 3 ملزمان کے خلاف تھانہ ائیرپورٹ اور تھانہ نیو ٹاؤن میں مقدمات درج کر لیے ہیں۔ کارروائی کی تصاویر سوشل میڈیا پر جاری کردی گئیں۔ 

خیال رہے کہ اس سے قبل راولپنڈی پولیس نے کارروائی کرتے ہوئے پتنگ فروش کو گرفتار کر لیا  جس کے قبضے سے 3000 پتنگوں کے ساتھ ساتھ 300 کیمیکل ڈوریں بھی برآمد ہوئیں۔

گزشتہ برس نومبر میں راولپنڈی کے تھانہ آر اے بازار پولیس نے کارروائی کرتے ہوئے پتنگ فروش کو گرفتار کیا جس کیلئے ایس ایچ او آر اے بازار آصف سجاد نے پولیس پارٹی کے ہمراہ کارروائی کی۔