گوگل نیوز پر ہمیں فالو کریںجنیوا: دُنیا بھر میں کورونا سے 23 کروڑ 71 لاکھ افراد متاثر ہوئے ہیں جبکہ وائرس میں مبتلا 48 لاکھ 42 ہزار سے زائد افراد ہلاک ہو گئے۔
تفصیلات کے مطابق دُنیا کے 200سے زائد ممالک اور خطوں میں کورونا سے مجموعی طور پر 23کروڑ 71لاکھ 55 ہزار841 افراد متاثر ہوئے جبکہ وائرس کا شکار 48لاکھ 42ہزار 331افراد جان کی بازی ہار گئے۔
وائرس سے متاثرہ 84 ہزار 954 افراد کی حالت تشویشناک ہے جبکہ دنیا بھر میں کورونا کے فعال کیسز کی تعداد 1 کروڑ 80لاکھ 13 ہزار ہو گئی۔وائرس کے1 کروڑ 79 لاکھ 28ہزار114 مریضوں کو معمولی تکالیف کا سامنا ہے۔
دُنیا بھر میں 21 کروڑ 43لاکھ 442 افراد کورونا سے صحتیاب ہوگئے۔سب سے زیادہ 4 کروڑ 49لاکھ 18 ہزار565 افراد امریکا میں جبکہ 3 کروڑ 38لاکھ 94 ہزار312 افراد بھارت میں وائرس کا شکار ہوئے۔
امریکا میں کورونا کے باعث 7لاکھ 27 ہزار710 افراد جان کی بازی ہار گئے جبکہ بھارت میں وائرس کا شکار4 لاکھ 49ہزار883 افراد انتقال کر گئے۔ برازیل میں کورونا سے 2 کروڑ 15لاکھ 14 ہزار 514 افراد متاثر جبکہ 5 لاکھ 99ہزار414 لقمۂ اجل بن گئے۔
قبل ازیں دنیا بھر میں کورونا سے 1 لاکھ ہلاکتیں 79 دنوں میں جبکہ 10 لاکھ ہلاکتیں 235 روز میں ہوئیں۔اموات کی تعداد 10 سے 20 لاکھ تک پہنچنے میں 118 مزید دن لگے۔اگلی 10لاکھ ہلاکتیں 91 جبکہ 40 لاکھ ہلاکتیں 523 دن میں ہوئیں۔
کورونا سے سب سے زیادہ متاثر ہونے والے ممالک میں امریکا پہلے، بھارت دوسرے، برازیل تیسرے، برطانیہ چوتھے، روس پانچویں، ترکی چھٹے، فرانس 7ویں، ایران 8ویں، ارجنٹینا 9ویں جبکہ اسپین 10ویں نمبر پر موجود ہے۔
خیال رہے کہ اِس سے قبل پاکستان میں کورونا سے 12 لاکھ 55 ہزار321 افراد متاثر ہوئے جبکہ وائرس کا شکار 28 ہزار 32 شہری جاں بحق ہو گئے۔وائرس کی تشخیص کیلئے گزشتہ 24 گھنٹوں کے دوران 51ہزار343 ٹیسٹ کیے گئے۔
نیشنل کمانڈ اینڈ آپریشن سینٹر (این سی او سی) کے جاری کردہ اعدادوشمار کے مطابق ملک بھر میں گزشتہ 24 گھنٹوں کے دوران کورونا کے 1 ہزار 453 نئے کیسز رپورٹ ہوئے جبکہ وائرس میں مبتلا 46 مزید مریض انتقال کر گئے۔
مزید پڑھیں: کورونا سے 12 لاکھ 55ہزارافراد متاثر، 28ہزار سے زائد جاں بحق
