گوگل نیوز پر ہمیں فالو کریںجنیوا: دُنیا بھر میں کورونا سے 12 کروڑ 42 لاکھ افراد متاثر ہوئے جبکہ وائرس میں مبتلا 27 لاکھ 35 ہزار سے زائد افراد ہلاک ہو گئے ہیں۔
دُنیا کے 200سے زائد ممالک اور خطوں میں کورونا سے مجموعی طور پر 12کروڑ 42لاکھ 97ہزار828افراد متاثر ہوئے جبکہ وائرس سے متاثرہ 27 لاکھ 35ہزار 322 افراد جان کی بازی ہار گئے۔
مہلک کورونا وائرس کا شکار ہونے والے90ہزار405فراد کی حالت تشویشناک ہے جبکہ دنیا بھر میں کورونا کے فعال کیسز کی تعداد 2 کروڑ 12لاکھ 90ہزار887 ہو گئی۔
کورونا وائرس کے متاثرین میں سے 10 کروڑ 2لاکھ 71ہزار619افراد صحت یاب ہوئے جبکہ 2 کروڑ 12لاکھ 482افراد وائرس کے باعث معمولی تکالیف کا شکار ہیں۔
چین سے جنم لینے والا کورونا وائرس ایشیائی ممالک جاپان، تھائی لینڈ اور پاکستان کے ساتھ ساتھ ہمسایہ ممالک ایران، افغانستان، روس، بنگلہ دیش اور دیگر ممالک میں پھیل گیا ہے۔
وائرس سے سب سے زیادہ متاثرہ ممالک میں امریکا، برازیل، بھارت، روس، برطانیہ، فرانس، اٹلی، اسپین، ترکی، جرمنی، کولمبیا، ارجنٹینا، میکسیکو اور پولینڈ شامل ہیں جبکہ کورونا نے ایران، یوکرین اور جنوبی افریقہ کو بھی بری طرح متاثر کیا۔
یاد رہے کہ اِس سے قبل پاکستان میں کورونا کے 3 ہزار 270 نئے کیسز رپورٹ ہوئے جبکہ گزشتہ 24 گھنٹوں کے دوران مزید 72 شہری جاں بحق ہو گئے۔
سرکاری اعدادوشمار کے مطابق ملک بھر میں مجموعی طور پر 6 لاکھ 33 ہزار 741 افراد کورونا سے متاثر ہوئے جبکہ وائرس میں مبتلا 13 ہزار 935 شہری جان کی بازی ہار گئے۔ 2 ہزار 485افراد کی حالت تشویشناک ہو گئی۔
مزید پڑھیں: کورونا کے 3 ہزار 270 نئے کیسز رپورٹ، 72 مزید شہری جاں بحق
