گوگل نیوز پر ہمیں فالو کریںجنیوا: دُنیا بھر میں کورونا سے 11کروڑ 81لاکھ افراد متاثر ہوئے جبکہ وائرس میں مبتلا 26لاکھ 22ہزار سے زائد افراد انتقال کر گئے ہیں۔
دُنیا کے 190 سے زائد ممالک میں کورونا سے مجموعی طور پر 11کروڑ81 لاکھ 56ہزار 470افراد متاثر ہوئے جبکہ وائرس سے متاثرہ 26 لاکھ 22ہزار58 افراد جان کی بازی ہار گئے۔
مہلک کورونا وائرس کا شکار ہونے والے89ہزار742فراد کی حالت تشویشناک ہے جبکہ دنیا بھر میں کورونا کے فعال کیسز کی تعداد 2 کروڑ 16لاکھ 92ہزار70 ہو گئی۔
کورونا وائرس کے متاثرین میں سے 9 کروڑ 38لاکھ 42ہزار342افراد صحت یاب ہوئے جبکہ 2 کروڑ 16 لاکھ 2ہزار328 افراد وائرس کے باعث معمولی تکالیف کا شکار ہیں۔
چین سے جنم لینے والا کورونا وائرس ایشیائی ممالک جاپان، تھائی لینڈ اور پاکستان کے ساتھ ساتھ ہمسایہ ممالک ایران، افغانستان، روس، بنگلہ دیش اور دیگر ممالک میں پھیل گیا ہے۔
وائرس سے سب سے زیادہ امریکا، بھارت، برازیل، روس اور برطانیہ متاثر ہوئے جبکہ متاثرہ ممالک کی فہرست میں فرانس چھٹے، اسپین 7ویں، اٹلی 8ویں، ترکی 9ویں اور جرمنی 10ویں نمبر پر موجود ہے۔
یاد رہے کہ اِس سے قبل پاکستان میں کورونا سے 5 لاکھ 95 ہزار 239 افراد متاثر ہوئے جبکہ 13 ہزار 324شہری زندگی کی بازی ہار گئے۔
سرکاری اعدادوشمار کے مطابق گزشتہ 24 گھنٹوں کے دوران کورونا کے 1 ہزار 786 نئے کیسز رپورٹ ہوئے جبکہ 43مزید پاکستانی شہری جاں بحق ہو گئے۔ 1 ہزار 664افراد کی حالت تشویشناک ہوگئی۔
مزید پڑھیں: پاکستان میں کورونا وائرس سے 5 لاکھ 95ہزار افراد متاثر، 13 ہزار 324 جاں بحق
