گوگل نیوز پر ہمیں فالو کریںاسلام آباد: پاکستان میں کورونا کے 4 ہزار 103 نئے کیسز رپورٹ ہوئے جبکہ گزشتہ 24 گھنٹوں کے دوران وائرس کا شکار 89 مزید شہری انتقال کر گئے ہیں۔
نیشنل کمانڈ اینڈ آپریشن سینٹر (این سی او سی) کے جاری کردہ اعدادوشمار کے مطابق ملک بھر میں مجموعی طور پر 11 لاکھ 67 ہزار 791افراد کورونا سے متاثر جبکہ وائرس میں مبتلا 25 ہزار 978شہری جاں بحق ہوئے۔
یہ بھی پڑھیں: کورونا بچوں کا دشمن بن گیا، کراچی میں لاکھوں وائرس کا شکار
کورونا کی تشخیص کیلئے گزشتہ 24 گھنٹوں کے دوران 61ہزار651 ٹیسٹ کیے گئے جس سے مجموعی ٹیسٹس کی تعداد 1 کروڑ 78 لاکھ 71 ہزار620 ہوگئی۔ملک بھر میں کورونا ٹیسٹ کا نتیجہ مثبت آنے کی شرح 6 اعشاریہ 65 فیصد ریکارڈ کی گئی۔
سب سے زیادہ کورونا سے صوبہ پنجاب اور سندھ متاثر ہوئے۔ پنجاب میں 3 لاکھ 96 ہزار 326 کیسز اور 11 ہزار 959 اموات رپورٹ ہوئیں جبکہ سندھ میں کورونا سے 4لاکھ 33 ہزار 931 افراد متاثر اور 6ہزار924 جاں بحق ہوئے۔
خیبر پختونخوا میں کورونا سے 1لاکھ 63 ہزار10 افراد متاثر اور 5ہزار 15جاں بحق ہوئے، بلوچستان میں 32 ہزار 248 کیسز اور 339اموات رپورٹ ہوئیں۔ اسلام آباد میں 99ہزار910 شہری کورونا سے متاثر جبکہ 866انتقال کر گئے۔
گلگت بلتستان میں کورونا سے 9 ہزار 952 افراد متاثر جبکہ 173جاں بحق ہوئے۔ آزاد جموں و کشمیر میں 32 ہزار 380 کیسز اور 702اموات رپورٹ ہوئیں۔ ملک بھر میں کورونا سے اموات کی شرح 2اعشاریہ 2فیصد رہی۔
گزشتہ 24 گھنٹوں کے دوران ملک بھر میں وائرس کے 4 ہزار 974مریضوں نے کورونا کو شکست دے دی جس سے صحتیاب افراد کی تعداد 10 لاکھ 48 ہزار872 جبکہ فعال کیسز 92ہزار 941 ہو گئے۔
یہ بھی پڑھیں: کورونا کی نئی قسم مو دریافت، ویکسین کی تیاری پر کام شروع
