گوگل نیوز پر ہمیں فالو کریںاسلام آباد: پاکستان میں کورونا کے 2 ہزار 118 نئے کیسز رپورٹ ہوئے ہیں جبکہ گزشتہ 24 گھنٹوں کے دوران 52 مزید شہری جاں بحق ہو گئے۔
سرکاری اعدادوشمار کے مطابق ملک بھر میں کورونا سے مجموعی طور پر 4لاکھ 92 ہزار594 افراد متاثر ہوئے جبکہ وائرس سے متاثرہ 10 ہزار461 افراد انتقال کرگئے۔
گزشتہ 24 گھنٹوں کے دوران ملک بھر میں کورونا وائرس کی تشخیص کیلئے 38 ہزار 917 ٹیسٹ کیے گئے۔ ملک بھر میں کورونا کے فعال کیسز کی تعداد 37 ہزار 740 ہے۔
یاد رہے کہ اِس سے قبل دُنیا بھر میں کورونا سے 8 کروڑ 68 لاکھ افراد متاثر ہوئے جبکہ وائرس کے باعث 18 لاکھ 75 ہزارسے زائد افراد جان کی بازی ہار گئے۔
دُنیا کے 190 سے زائد ممالک میں کورونا وائرس سے مجموعی طور پر 8 کروڑ 68لاکھ 33 ہزار587 افراد متاثر ہوئے جبکہ 18 لاکھ 75ہزار467افراد انتقال کر گئے۔
وائرس سے سب سے زیادہ امریکا، بھارت، برازیل، روس اور برطانیہ متاثر ہوئے جبکہ متاثرہ ممالک کی فہرست میں فرانس چھٹے، ترکی 7ویں، اٹلی 8ویں، اسپین 9ویں اور جرمنی 10ویں نمبر پر موجود ہے۔
مزید پڑھیں: کورونا سے 8 کروڑ 68 لاکھ افراد متاثر، 18 لاکھ 75ہزار ہلاک
