گوگل نیوز پر ہمیں فالو کریںحیدر آباد: بے نظیر انکم سپورٹ پروگرام میں دھوکا دہی اور فراڈ کے ذریعے رقوم وصول کرنے والی 10 ملزم خواتین کو عدالت نے سزا سنا دی ہے۔
تفصلات کے مطابق سرکاری ملازمین کی بیگمات اور قریبی رشتہ داروں نے مستحقین کی امداد کیلئے مختص رقوم دھوکہ دہی اور فراڈ سے حاصل کی تھیں جنہیں آج جرمانے کرنے کے ساتھ ساتھ تابرخاستِ عدالت قید کی سزا سنائی گئی۔
ایف آئی اے حیدر آباد میں بے نظیر انکم سپورٹ پروگرام کے ساتھ دھوکا دہی اور فراڈ کے 10 مقدمات کا فیصلہ سول جج وجوڈیشنل مجسٹریٹ نمبر9 منظور پنہور کی عدالت نے سنایا جبکہ ملزم خواتین نے عدالت کے سامنے اعترافِ جرم کیا۔
تحریری اعترافِ جرم کے بعد عدالت نے ملزم خواتین کو فی کس 8 ہزار روپے جرمانے کے ساتھ ساتھ عدالت برخاست ہونے تک معمولی قید کی سزا سنائی۔ عدالت کے فیصلے سے مستحقین کے ساتھ ساتھ ملزمان بھی خوش نظر آئے۔
یہ بھی پڑھیں: ایاز صادق کے بیان کا آرمی چیف سے کوئی تعلق نہیں، فواد چوہدری
