گوگل نیوز پر ہمیں فالو کریںلاہور ہائیکورٹ نے خواجہ سراؤں کیلئے کوٹہ مختص نہ کیے جانے کے خلاف درخواست پر سماعت کرتے ہوئے خواجہ سرا فیاض اللہ کو پنجاب پبلک سروس کمیشن (پی پی ایس سی) کے امتحان میں بیٹھنے کی اجازت دے دی۔
لاہور ہائیکورٹ کے جسٹس فیصل زمان خان نے خواجہ سرا فیاض اللہ کی درخواست پر سماعت کی۔
عدالت نے پنجاب پبلک سروس کمیشن کے وکیل سے استفسار کیا کہ آپ نے درخواست منظور کیوں نہ کی؟ اس پر وکیل پی پی ایس سی نے کہا کہ اگر ہائیر ایجوکیشن اجازت دے تو انہیں کوئی اعتراض نہیں۔
اس موقع پر سیکشن افسر ہائیر ایجوکیشن ڈیپارٹمنٹ نے بھی عدالت کو بتایا کہ انہیں خواجہ سرا کی درخواست منظور کرنے پر کوئی اعتراض نہیں، وہ بطور خاتون ( خواجہ سرا فیاض اللہ) درخواست منظور کررہے ہیں۔
اس پر عدالت نے خواجہ سرا فیاض اللہ کو ہدایت کی کہ وہ دوبارہ درخواست جمع کرائے۔
یہ بھی پڑھیں:رکن قومی اسمبلی عامر لیاقت حسین کا ٹیلی فلم سے اداکاری میں انٹری کا اعلان
