لاہور : پاکستان میں ناول کورونا وائرس نے اپنی گرفت مزید مضبوط کردی ہے، ملک میں 54 اموات کی تصدیق ہوگئی ہے جبکہ کیسز کی مجموعی تعداد 4005 تک پہنچ گئی ہے۔
پنجاب میں کورونا کے 2004 مریضوں کی تصدیق ہوئی ہے ، سندھ میں 932 ، خیبرپختونخوا میں 500 ، گلگت بلتستان میں 211 ، بلوچستان میں 202 ، اسلام آباد میں 83 اور آزاد کشمیر میں 18 مریضوں کورونا کا شکار ہیں۔
اب تک ملک میں 429 مریض صحت یاب ہوچکے ہیں جبکہ 28 کی حالت تشویشناک ہے۔
ادھر وائرس کے باعث دو اور ڈاکٹر اپنی زندگی سے ہاتھ دھو بیٹھے ہیں۔ کراچی کے الخدمت اسپتال کے ایم ایس عبدالقادر سومرو اور لندن میں ڈاکٹر ذیشان حیدر کورنا وائرس کے مریضوں کے علاج کے دوران انتقال کر گئے ہیں۔
مزید پڑھیں:اپریل کے آخر میں 25ہزاریومیہ ٹیسٹ کی کوشش کریں گے،اسد عمر