گوگل نیوز پر ہمیں فالو کریںلاہور: وزیرِ اعلیٰ پنجاب سردار عثمان بزدار نے کہا ہے کہ صوبہ پنجاب میں کورونا وائرس کے 1 لاکھ 1 ہزار 897 ٹیسٹ ہو چکے ہیں جن میں سے 5 ہزار 43 ٹیسٹ گزشتہ 24 گھنٹوں کے دوران ہوئے۔
سماجی رابطے کی ویب سائٹ ٹوئٹر پر اپنے پیغام میں وزیرِ اعلیٰ پنجاب سردار عثمان بزدار نے کہا کہ ہم پنجاب میں اب تک کورونا وائرس کے 101،897 ٹیسٹ کرچکے ہیں جبکہ 8 ہزار 103 کیسز کی تصدیق ہوئی۔
وزیرِ اعلیٰ پنجاب سردار عثمان بزدار نے کہا کہ کورونا وائرس کے باعث پنجاب میں 136 افراد زندگی کی بازی ہار گئے جبکہ 2 ہزار 716 افراد صحتیاب ہوئے جو گھر جا چکے ہیں۔
کورونا وائرس کے خلاف جنگ میں عوام کی حوصلہ افزائی کرتے ہوئے وزیرِ اعلیٰ پنجاب نے کہا کہ عوام تمام رہنما ہدایات (ایس او پیز) پر عمل درآمد کرکے جنگ جیتنے میں ہمارا ساتھ دیں۔
ہم پنجاب میں اب تک کورونا وائرس کے 101,897 ٹیسٹ کر چکے ہیں جن میں سے 5،043 ٹیسٹ گزشتہ دن (4 مئی) کو کیےگئے.
اب تک #COVID19 کے 8,103 کیسز سامنے آئے ہیں، 136 افراد کی وفات ہوئی اور 2,716 افراد مکمل صحتیابی کےبعد گھر جا چکےہیں.
تمام SOPs پر عمل کر کےیہ جنگ جیتنےمیں ہمارا ساتھ دیں!
— Usman Buzdar (@UsmanAKBuzdar) May 4, 2020
