خیبر پختونخواہ میں کورونا وائرس سے 3 افراد ہلاک، اموات کی تعداد 38 ہوگئی

پشاور: خیبر پختونخواہ کی حکومت نے تصدیق کی ہے کہ صوبے میں کورونا وائرس کے باعث 3 افراد ہلاک ہو گئے جس سے اموات کی مجموعی تعداد 38 ہو گئی ہے۔ 

سماجی رابطے کی ویب سائٹ ٹوئٹر پر اپنے پیغام میں صوبائی وزیرِ صحت و خزانہ تیمور خان جھگڑا نے کہا کہ خیبر پختونخواہ میں گزشتہ 24 گھنٹوں کے دوران کورونا وائرس کے 65 نئے کیسز کی تصدیق ہوئی۔

صوبائی وزیرِ صحت نے کہا کہ خیبر پختونخواہ میں کورونا وائرس کے مجموعی کیسز کی تعداد 865 ہو گئی ہے جبکہ مجموعی طور پر 178 افراد صحت یاب ہوئے۔

وزیرِصحت تیمور خان جھگڑا نے کہا کہ صوبے بھر میں کورونا وائرس پر اعدادوشمار کے حوالے سے کام جاری ہے۔ اس دوران اعدادوشمار میں تکنیکی معاملات کے باعث معمولی کمی بیشی آسکتی ہے۔ 

Pakhtunkhwa #CoronaVirusUpdate, April 14, 2020.

– 865 total cases (797 within KP, 65 new)
– 38 deaths (37 within KP, 3 new)
– 178 confirmed recoveries

Again, any minor discrepancies are due to synchronisation of data between different scorecards. pic.twitter.com/eHTz1qSoZ7

— Taimur Saleem Khan Jhagra (@Jhagra) April 15, 2020

یاد رہے کہ اس سے قبل  ملک بھر میں کورونا وائرس کے 272نئے کیسز رپورٹ ہوئے جس کے نتیجے میں وائرس سے متاثرہ افراد کی مجموعی تعداد 5 ہزار 988ہو گئی۔

سرکاری اعدادوشمار کے مطابق گزشتہ 24 گھنٹوں کے دوران11افراد کورونا وائرس کے باعث زندگی کی بازی ہار گئے جبکہ ملک بھر میں مجموعی اموات کی تعداد 107ہو گئی۔

مزید پڑھیں:  وائرس کے 272 نئے کیسز رپورٹ، تعداد 5988 ہو گئی