کورونا وائرس امیر اور غریب میں تفریق نہیں کرتا،وزیر اعظم عمران خان

اسلام آباد :وزیر اعظم عمران خان نے کہا ہے کہ ناول کورونا وائرس امیر اور غریب میں فرق نہیں کرتا ، یہ مہلک وائرس غریبوں اور امیروں کیلئے یکساں  خطرناک ہے۔

وزیر اعظم عمران خان نے اپنے بیان میں کہا ہے کہ اگر غریبوں کے علاقے میں کورونا وائرس پھیل گیا تو یہ امیروں کے گھروں تک بھی پہنچ جائے گا۔

انہون نے کہا ہے کہ ٹیکس دہندگان کا پیسہ ماضی میں اقتدار میں رہنے والوں کے علاج میں استعمال ہوتا تھا لیکن آج حکمران بیرون ملک علاج کے لئے نہیں جاسکتے ہیں۔

انہوں نے کہا کہ حکومت نے کورونا وائرس پھیلنے کے بعد وینٹی لیٹر بنانے کے بارے میں سوچا، ان کا کہنا ہے کہ سرکاری اسپتالوں کی حالت اس وقت تک بہتر نہیں ہوگی جب تک کہ وزیر وہاں علاج کروانا شروع نہ کریں۔

مزید پڑھیں: سابق صدرِ پاکستان جنرل (ر) پرویز مشرف: ایوانِ اقتدار سے سزائے موت تک

وزیراعظم عمران خان کا کہنا ہے کہ نریندر مودی اتنے بزدل ہیں کہ انہوں نے غریبوں کے بارے میں سوچے سمجھے بغیر اس وبائی مرض کی وجہ سے پورے ہندوستان کو بند کردیا ہے۔